Art Square: 2012 向南半球出發, 澳洲之旅 - Melbourne 第一天 Victoria market + St. Kilda beach

7/4/2012 , 18:55 機, 澳航, 由香港去墨爾本~~

出發啦~~

架機剛行左幾下, 就走返埋站

!!?? (近似的情況, 我地回程又.......)
機師廣播

~~~~ 由於有一架飛機在跑道上發生問題, 要等跑道清理好才可以起飛, 請各位乘客耐心等候~~~
我地只有睇住戲, 等......等.......等.......

機師廣播

~~~~ 跑道已經清理完畢, 我地正在輪候起飛, 而家排第三架飛機~~~~~

等......等.......等.......
從窗口可以見到後面, d飛機排長龍~~~~
原本約左個住在Melbourne 的朋友係火車站等的, 即時send 個message 比佢, 叫佢自己上網睇返我地的到步時間~

終於起飛啦~ ( 報時 21: xx )
我個肚餓到扁曬啦.......
好彩老公上機前無聊, 買左兩包朱古力, 可以頂下~~

飛機餐? 都係咁啦~ 無預過好食~
架機都坐得舒服的, 好定~
而且班機唔多人, 三座位坐兩個人

前面位人兄仲可以, 一個人瞓曬三個位 tim~~

在機上見到的第一個南半球的日出^^

原定 8/4 , 6:05am 到的, 而家成 8點幾先到步

~

入境非常順利

~
可能係我地樣子太順良啦~~!!! \\^o^//
之前見人地寫, 入境非常嚴格, 又要開袋睇, 又要比狗聞~
但係, 我完全見唔到 bor !!??

由機場出市區係好快的, 20-30分鐘車程就到~
一行出機場就會見到 skybus 個櫃位, 搭 skybus 應該係最快最方便的選擇~
直接去到 southern cross 火車站 , 沒有中途站 (southern cross 係 melbourne 最大的火車站)
au$17 單程, 最好買雙程 au$28 一個月內有效的~

原本我係 agoda book 左酒店的, 不過出發前我個 friend 通知我可以去佢度住, 咁當然好啦~ 慳返好多呀~

所以 cancel 左間酒店, 仲可以全數退款

^^

呢日係星期日, 所以我地買左 "sunday saver" au$3.5
係火車站的票務處就可以買到~

有左佢, 全日任搭 zone 1 + zone 2 的 bus, train, tram
係非常之抵的~ 星期日先有~
因為 2小時的 zone 1票, 已經要 $3 左右

下一站, 我會再教大家另一個慳$搭車的方法~~

什麼是 zone 1 , zone 2 呢?
你到時去到睇返個鐵路圖就見到架啦~
簡單d講 zone 1內的地方近d , zone 2遠d (由 southern cross 做中央起計)
到時睇鐵路圖就知目的地位於 zone 1 定 zone 2,
如果起點在 zone 1 , 目的地位於 zone 2, 就要買 zone 1 + zone 2 的票
票都有幾種 : 2小時的 , one day 的
市內所有 bus, train, tram 全部都通用的, 要轉車的話, 記住唔洗分開買票

~
v / line train 例外~~ 呢個係去郊區的火車~

melbourne 好似剛剛出左張類似 "八達通" 的咭, 好似都有d 乘車優惠的,
用法 : 上車 "dou" 一次, 落車再 "dou"一次, 如果要轉車的話, 第一程車上車"dou"左之後, 只需在最後一程車落車的時候再 "dou" 一次就可以
不過我未用過~
詳情, 你地自己上網睇下啦~
Melbourne 的公共交通網頁, 有點到點搜尋服務, 幾好用的 : http://ptv.vic.gov.au/

免費交通:

其實melbonrne 市內有一條免費的電車線, 一條免費的巴士線, 主要是比遊客觀光用的, 在市內很容易見到的~
循環線, 會經過市內主要的景點, 而且車上還有廣播, 介紹每一站的景點 (不過, 我朋友話你都好難聽到佢在播什麼......)
但係...見到"免費"兩個字會發光的我, 一次都無搭過......... 因為沒有需要......
路線圖 - 睇返當地的官方網頁會見到 : http://www.visitvictoria.com/

約左個 friend 係 southern cross 火車站接我地~
首先去佢屋企放底左d行李先~
佢屋企唔近火車站, 要搭一程 tram 先到~
仲又要剛好, 這幾天整路........所以仲要轉多次車......(其實都唔算太麻煩, 鐵路公司都安排得好好~~)

行去搭車的時候，路經呢個地方，好得意～

牆上面的水是向下流的，但係D葉可以貼係上面唔會跌的! 點解呢？

我都係度玩左一陣

今天的第一站~~
Victoria market (呢度星期一、三休息) http://www.qvm.com.au/
交通: 搭電車( zone 1) or 免費電車(免費的會比較多人, 而且好慢.........)

由於我地安排唔到第二日去啦, 因為佢收好早........ 而且聽講星期日係多d野賣的......
所以, 雖然有d 唔順路都要去左先~
可惜......
原來今日係復活節假期.......有好多舖頭無開

.......
呢度都幾大架, 如果d 攤檔開曬, 我諗都可以行半日~~
可以係度食埋下午飯~
賣乾貨的地方, 感覺有d似女人街~
原本想食生蠔的, au$11 一打, 好抵食的, 之前見好多人都推介的~

不過只得一檔有開, 望落又好似唔係太新鮮......所以無食....
最後買左少少手信, 一盒士多啤梨 au$1(味道正常, 唔算特別好食...)

可以提下大家, 我睇過澳洲幾個地方, 其實d 手信都係差不多, 到到買都係一樣......
而價錢方面, 好似呢度平d, 所以如果係呢度見到岩的, 都可以買左先~

好抵

好耐無見過街市有雞仔賣啦～

第二站~~ St. Kilda beach
交通: 搭電車( zone 1) tram no. 3a / 16 / 96 / 112

呢度星期日會有個好出名的手作市集, 都有d特別野架, 可以睇下~
不過我地無買野 ^^ (睇唔岩, 加上 $ 都唔平...)

St. Kilda Sunday Market
opening hour : SUN 10:00am - 5:00pm
http://www.esplanademarket.com/splash.php
(d 攤檔未到5點

都已經準備執野....所以唔好太遲去)
唔算好大, 行一個鐘一定行得完~

St. Kilda 都有條街可以行下的,
而且有很多蛋糕店^^ 我地都買左幾件返屋企食

約 au$4- $6 一件左右

仲有個超級細的遊樂場~ (仲細過當年的荔園)
入場是免費的, 只係玩機動遊戲先要 $$

遊樂場的入口

之後就到今日的重點了~~~
睇。小。企。鵝。\ ^o^ /

好多人都知道, 到墨爾本一定要做的 :
1) 去 Phillip island 睇小企鵝~
2) 去 great ocean road 睇12門徒石

不過, 我兩個地方都無去到 ~_~
great ocean road - 係睇 12 門徒石最靚的位置
好遠, 無車到...... 一定要自己架車或者 join tour 去~
d tour 都要 au$100 以上 (一位) , 通常會去兩個地方gei~
搭成日車, 就為左落車睇一睇幾舊石, 影幾張相到此一遊就走, 值唔值呢 ??

每個人價值觀都不同, 自己選擇啦~
我有朋友去過, 佢地話風景又真係好靚好靚, 一幅畫咁靚~~ 同明信片見到的一樣~~
而且路途中可能會見到野生樹熊架~
除左我在 "準備編" 提過的 tour 公司有辦之外~
其實唐人街有好多公司都有辦, 時間多的話, 可以到時夾下先報名~

不過留意~
Phillip island 同 great ocean road 係距離好遠的~ 是不會一天內去到曬兩個地方的^^

Phillip island - 最出名睇小企鵝回巢又名神仙企鵝又名藍企鵝
藍企鵝是一種很細隻的企鵝, 每日出海找食物, 夜晚日落時候, 就會一隻一隻從大海行返上沙灘, 返回巢餵食佢地的bb
不過 Phillip island 又係一個超遠的地方, 我找不到有公共交通工具可以去到~
即是要 join tour 先去到啦~ 仲要比入場費 (報名時留意, 有d tour 係唔包入場費的, 自己問清楚~)
tour 大約 au$114 一位左右, 間間唔同~
Phillip island 睇小企鵝的時候, 係唔比影相架, 請留意!!!

其實~
要睇小企鵝仲有一個地方的~ 呢方面的資料網上很少, 我都搵左好耐~

應該唔算太多人知~~

St. Kilda beach 係 唔。收。入。場。費。的 !!!!

而且好近市區, 只需要30分鐘車程~
我今次都係去搏一搏 ja ~ (唔係見好多人去過.......)
由於這裡企鵝是野生動物, 唔包一定睇到~

**留意 : 請大家睇得有公德心一d, 愛護小動物~
唔好嚇親佢地,

唔好摸佢地,

唔好用閃光燈影相!!!!
(唔係我會覺得自己放左d資料上黎, 害左d企鵝仔......)

位置: 搭 tram no. 3a / 16 / 96 / 112 去到 St. Kilda Beach 落, 落車之後向住海邊走, 見到一條好長好長的橋, 橋的盡頭就是~
(地圖上面都會見到呢條橋的~)

我地在遊樂場向住橋的方向行

呢條橋的盡頭就係啦～

小企鵝要日落時才會回來, 要留意當日的日落時間哦 ~~ (自己上網check 定先~)
如果是秋天, 日落時間大約 6:00pm - 7:00pm左右, 冬天好似會再早d
夏天可能會去到 9:00pm 先日落 ~~
溫馨提示 : 海邊好大風架, 就算日間天氣好熱, 都要記得帶多件衫, 我是秋天去的, 我當日著左件薄羽絨, 都覺得有d 凍~~

再提一提~
記得唔好用閃光燈影相!!!!
因為小企鵝長期在黑暗的地方, 閃光燈可能會弄盲他們的眼睛 !!