2012 向南半球出發, 澳洲之旅 - Melbourne 第四天 Sovereign Hill 淘金小鎮

11／4 （三）晴天

Sovereign Hill
http://sovereignhill.com.au/
呢個地方都可以玩到一天架啦～
如果跟 tour 黎的話，通常都會去多一兩個景點，通常都會去酒莊，因為附近好似有個出名的酒莊，
不過，我地對酒沒有興趣.........
而且這個地方可以自己搭車去到的，所以，唔會 join tour~
我有朋友在China Town join tour 去的，佢個tour 價錢都算抵的 ~ Sovereign Hill + Phillip Island 睇企鵝，不過只限星期日出團。。。時間唔岩我～ (只會有兩個鐘頭在淘金鎮, 唔夠時間玩曬的~ 可能是我睇野比較慢.......)
公司名我唔記得左了，不過，好似沒有其他公司會咁樣去。。。
* 提醒大家，報團之前記得問清楚包唔包入場費，同埋要比幾多導遊小費～


交通：

~~方法一 ~~
於Southern Cross 火車站，搭 V/ line train 到 Ballarat Station 最好買來定回程票~ (單程車票 AU＄11.7 off peak hour, AU$16.7 peak hour) （車程約 1hr 29 min)
轉
Ballarat Station 站外, 搭巴士 NO. 8 / 9 / 10 到  Sovereign Hill (中途站黎的，不過可以放心, 司機會在這個站提客人落車) (車程約 10 min)
或者可以搭 Sovereign Hill 的專車 "Goldrush Bus " 不過每天只有一班，去程10：45am, 回程 3:30pm (班次時間不知會否有更改，請自己再查看一下～）
＊＊＊留意不論是搭邊架巴士，只要你上車的時候，出示張 V/ line 票 比司機睇，就免費架啦～ 不用買車票～＊＊＊
呢個V/ line train 的 轉乘優惠，我於上兩篇提過的～

以上的交通方法，是正常一般網頁或者在官方網頁上查到的方法～
但係，我出發前在某個 Blog 上見到有人教，一個省錢的方法，而我也親身試左，是 work 的

留意啦～

~~方法二 ~~
先買一張 2hour ，zone 1 + zone 2 的車票 AU$4
於 Southern Cross Station 搭 metro train (好似香港的港鐵咁) 往 Watergardens 方向的車，到 Sunshine Station (這是zone 2 最後一個可以轉搭 V/ line train 的轉車站）(車程約  20 min)
於 Sunshine Station 過對面月台的票務處買 由Sunshine Station 往 Ballarat Station 的  V / line 票 ，要買定回程票!（V / line 票是點到點買的）AU$6.3 off peak hour, AU$9 peak hour
返回剛才落車的月台等車
搭 往 Wendouree 方向的 V/ line train 到 Ballarat Station (車程約 1hr 14 min)
之後轉巴士的方法就跟上面一樣～

而回程憑 V/ line 票 都是有轉乘優惠的 ！！(所以之前買定來回票會方便D，因為要搭巴士去火車站！！）
只需同去程一樣搭到 Sunshine Station , 轉返 metro train 返去，不用再買 2 hour 那種票(因為有轉乘優惠)
最後，出閘的時候，向閘口職員出示張 V/ line 票，佢就會開機比你出閘
而因為 V/ line 票上是沒有打時間的，所以，雖然官方網頁上只話有兩小時的轉乘優惠，但其實佢點知呢。。。所以我諗如果你當日跟住再有車要搭, 應該都可以 Show 呢張野出黎～

計下數啦～
交通方法1 ：來回 $11.7 x 2 = AU＄23.4
交通方法2 ：來回 $4 + $6.3 x 2 = AU$16.6
方法二雖然要轉多一次車......但係......慳左好多呀~~!!!

我有試過，睇下可唔可以連 AU＄4都慳埋，但發現原來唔得架，因為我問過，原來係唔可以在 Southern Cross Station 買到 Sunshine 出發的票。。。。
只可以去到 Sunshine station 買。。。。

不過用呢個方法，時間上是有代價的。。。。
佢地D車係好唔準時的，我就係咁 miss 左班車。。。下一班車要等成個鐘。。。。
所以，提下大家，早好搭早兩班 metro train, 一來怕架車遲到，二來，行去對面月台買票再行返過黎都要D時間，最少預15分鐘 （如果唔多人買票的話）
架V/ line 火車成個鐘先一班，如果走左，就要好似我咁係個車站度食成個鐘頭西北風。。。


張 V/ line 票 在入場時仲有個作用架~
買票入場的時候, 記得 Show 張 V / line 票比佢睇!!
有 9折 優惠架!!!! 仲有張免費馬車卷送 !!!
我都係睇人地d Blog 先至知的~
呢個優惠, 官方網頁是沒有寫的??!!  買票的時候, 個姐姐又唔會主動問你........ 所以, 要自己記得啦~ (咁最初係邊個發現有咁的優惠的呢??點解有優惠又唔公開話比人知呢????)

如果買票的時候,  Sovereign Hill 果邊太多人的話, 可以過去對面 Gold Museum 買票, 入場票是包曬呢兩邊的~
所以, 可以行左無咁多人果邊先~

Ballarat Station

Ballarat 市內都應該有D野行下WO～ 不過我沒有安排時間去行。。。
而搭車經過時見到，呢個市鎮有D歐洲的感覺，D建築物都幾靚架～

 

正在等巴士～

Ballarat Station 的外觀～

Sovereign Hill 就好似以前海洋公園的集古村咁，重現返以前淘金時期的小鎮比遊人認識～ 除了有當時的建築之外，也有演員在街上表演，每日有一場的真槍燒槍表演，而且在街上行走的時候也會踫到著住古著的演員，正在自然地扮演住古時的生活，就連商店裡面，所有的店員都是著古著的，很有古時的味道～ 感覺都幾得意～

有雞雞周圍走！！？？仲要係隻好靚的公雞 ！！

因為以前有中國人黎做淘金工人，所以有很多中國人生活的痕跡～

你睇得明佢寫咩嗎？

每個中國人住的帳篷內，都有塊袓先神主牌的 ？

見到一隻周圍走的孔雀 ！！(是野生的嗎?)

淘金的位置～

在馬車上 ^^ 我第一次坐馬車

不過留意，有馬車的地方，就會滿地都是地雷。。。

睇熔金表演～ 我朋友話佢地果日係可以比你拎舊金黎影相架，但係我地無gei??? 我估係我地呢日太多人了。。。佢地當日只有幾個人。。。。

我亦想介紹大家睇另一個表演 ﹣﹣ 在大街上，有一個很小型的劇院，劇院的設計，好似一間迷你的歌劇院咁，都有上下兩層觀眾席架～ 不過我睇的時候遲左，坐唔到上面 lu~~ D劇目是合家歡的，好得意、好攪笑, 我地睇左的是 “ 羅賓漢 cross over 小紅帽 “，演員好生鬼，很有趣的 ^^

仲有一個活動是坐車入礦洞的, 不過呢個要另外比 $ 的, 所以我無玩 ^^

 "全自動" 的保齡球, 自動即是要自己動, 玩完要自己去執返個波同埋d樽.....

D 人咁努力, 當然是正在淘金啦～～ 睇下有無金執先 

淘金唔洗另外比錢的, 仲有個專人係度教你點做 tim~

真係有架~~~  在手指頭上，你見唔見到呀~~~~~
真係大力d呼吸都會吹走左呀........不過又幾好玩wo~ 我地就係咁樣玩, 玩到唔知時間.......

玩左大約半個鐘頭多的成果， 要帶走佢地，可以先同佢買個玻璃樽仔 AU＄1，唔貴gei~ 如果你想慳返個一蚊，可以自己帶定個樽仔去～

玩完都晚了～ 又等左好耐車，都怪自己掛住玩，無睇時間啦～
返到去都成7點幾 8 點了～ 又係返朋友屋企，有人煮定飯等我地返去食^^ 感覺超好

呢一站是我地在 Melbourne 的最後一站了～ 明天就搭早機去 Cairns 啦～ （ Cairns 一早就在前幾篇寫左啦～）
所以，接住寫的將會是 Brisbane，Gold coast 的行程 ^^

想補充一下資料，這個是 Flinder Street Railway Station, 是我們朋友屋企最近的火車站，都算係大站，所以我地多數都在這裡搭火車出去的～
呢個車站都是著名的景點之一，因為佢係歷史建築～
而在車站對而是藝術中心，有時間的話，可以去行下，裡面有免費的展覽和活動架～ 可惜我時間不多，只有在門口經過，沒有入過去。。。。