原本book 左今日下午去騎馬的, 但係昨天活動公司打電話黎, 話下午會落雨, 請我們改早上去~
因為我地無係 Gold Coast 住, 要由 Brisbane 搭車去, 所以要好早起身.......搭6點幾班火車......
由 Brisbane 去 Gold Coast 需時約一個半小時, 因為覺得都幾近, 而且又覺得 Gold Coast 無咩野岩玩, 所以決定只係到此一遊, 唔住一晚了~
( Gold Coast 的住宿平均都比 Brisbane 貴, 這樣又可以慳返少少 ^ ^ )
其實多數人去 Gold Coast 都會去主題樂園的, 不過我個人對主題樂園不感興趣~ 加上, 我朋友去過之後, 話d 樂園都好細, 好似海洋公園仲精彩得多....... 所以完全無打算去........
而我在 melbourne 的時候都去左農莊了~ 所以 "天堂農莊" 我亦不用去吧......
而動物園就有掙扎過去唔去的,
Gold Coast 有個叫 "Currumbin Wildlife Sanctuary " 的動物園 , 友人去完之後極力推薦的~
http://www.currumbin-sanctuary.org.au/
友人教路, information center 有特價票買的, 好似是 六十幾蚊au 日夜票 連晚餐~
Gold Coast 的 Surfers Paradise 大街上都有 information Center , 好容易找的~
友人推薦, 因為可以玩足全日, 除左有好多動物睇, 仲有繩網陣玩, 晚上 dinner 有土著 show 睇, 節目豐富~
可以抱樹熊影相, AU$ 20 一張, 之後可以用自己相機再影~
不過, 我又想去位於 Brisbane 的 " Lone Pine Koala Sanctuary ", 無理由去兩個動物園吧! 只能選其一.......
Lone Pine 出名多樹熊的, 不過感覺就沒有 Currumbin 咁多姿多彩~ 個網頁同單張都比較簡陋.......有點兒比下去.......
一樣可以抱樹熊影相, AU$16 一張, 之後可以用自己相機再影~
Lone Pine 有鴨咀獸, Currumbin 沒有....
我最後選擇左去 Lone Pine ~ 都玩得好開心 (下一篇同你地介紹~)
仲有一個很著名的, 我地又沒有去的, 就係去睇藍光蟲~ (好多人叫螢火蟲, 但係是不同的~ )
唔去的原因, 是因為都幾貴.......
又係一個無車到的地方.......如果我識駕車的話, 就一定會去...
Join Tour 要 au$85 , 85蚊去睇一堆發光蟲 !!!
友人去過, ( 佢有朋友駕車去, 唔洗$....真係唔抵得佢.....)
友人形容, 是幾靚的, 好似有好多藍色 led 燈仔佈滿山洞頂一樣~ 睇一睇就可以走架啦~ (咁就睇左 $85.....)
現場好黑, 影唔到相, 唔可以開閃光燈, 蟲蟲見光死~
去騎馬都只係要 au$91 ja.......
我睇過地圖, 其實, 騎馬的地方, 同睇蟲的地方是非常之近的, 不過睇蟲要天黑先睇到,
所以都有問過, 可否 騎完馬之後, 於騎馬的地方接我地去睇蟲, 收平d?, 但係,
Agent 公司話, 兩間是不同的活動公司, 不能這樣做.....
即係要騎完馬之後, 一定要送返我地出 gold coast, 再由 gold coast 接返我地去相近的地方睇蟲.....
好似有點傻......
經過一輪掙扎之後, 最終決定唔去睇蟲蟲了~
由 Brisbane 往 Gold Coast - Surfers Paradise 的交通 :
Brisbane Central Station 搭 往Varsity Lakes 的火車 到 Nerang Station ( 你會在火車路線圖上睇到一條叫 gold coast 線的)
需時約一小時
於 Nerang Station 出面 轉巴士no. 745 去 Surfers Paradise Beach Road 落車
需時約半小時
車費共 au$16 ( paper ticket )
AU$ 10.99 , off peak $8.8 ( Go card )
所以用 go card 平好多架 !!! ( go card 我上兩篇有介紹過~)
用 go card 搭巴士上車要 "dou" , 落車都要 "dou" 架~
我就早上約左活動公司在 Nerang Station 接我地 ~
去到騎馬的地方~
呢度有點簡陋~
今日的參加者都不少wo~ 只有我們是亞洲人~
先去選個適合自己的頭盔先~
嘩~~~d 頭盔好臭........ (無辦法, 一定要帶的.....唔好再聞佢啦......)
早上天氣很好~
個姐姐好簡單咁教我地在馬上面應該的坐姿, 動作, 點樣叫停佢, 轉彎, 點樣叫佢行~
** 騎馬之前, 要關手機, 收埋身上會發聲的東西, 怕嚇親d 馬~ 
去分配馬仔啦~
我老公隻馬叫 Cooper, 真係好 cool , 一直都用個 pat pat 對住佢 ^_^!!
我隻馬叫 Harley , 佢好似未瞓醒咁wo~ 唔多精神......叫佢, 佢又唔多理我.....
騎左上去之後~ 我再同 Harley 打招乎, 不過佢仍然唔理我..
唔通佢唔鐘意我......好彩佢無 fing 我落地~
係馬背上都幾高架~ 起初都有少少驚~
d馬受過訓練的, 佢地自己會識得一隻跟住一隻行, 基本上唔需要你控制的~
不過 Harley 就好鬼為食.......成日都停左係度食草
........
........
我已經係行最尾果個, 佢仲要停係度唔行, 更加包尾......( 我同佢都幾似, 都係成日做包尾大班.....所以我地編埋一組.....)
教練教我拉起佢個頭, 唔好比佢食~
但係...我唔夠力....又唔敢太大力, 怕拉痛佢.....
教練教我拉起佢個頭, 唔好比佢食~
但係...我唔夠力....又唔敢太大力, 怕拉痛佢.....
頭先騎馬的時候, 都有橫過呢d 石溪澗,
好驚架~ 我驚 Harley 會滑到....(我feel 到有幾下佢隻腳係滑左一滑的.....) 不過其實佢都好小心咁行 gei~** 一定要著長袖衫同長褲 ~ 同埋著包腳的鞋, 唔好著涼鞋~
我地行的是山路, 旁邊有好多樹~
而馬行路的時候, 只會睇到自己不會撞到樹枝, 不會理會上面的人,
所以很容易會比樹枝整到, 著短衫短褲的話, 你d手腳一定花曬~
是真的.......你要好留心前面, 隨時會有支樹枝打埋黎......
加上樹林一定多蚊蟲, 你想做d蚊的大餐嗎?? (我當日沒有噴蚊怕水, 因為我怕d 馬唔鍾意d味~)
一路上, 會有上斜, 落斜的, 落斜的時候, 覺得隻馬好似有d辛苦~
行的時候, 我地在馬背上要保持平衡, 原來都有d 累架~ (所以d騎馬機可以減肥, 原來是真有道理的~)
平路的時候, 教練都會叫d馬跑下, 是緩步跑, 不過仲難平衡........
Harley 行得慢, 有時佢突然發現自己落後左, 佢自己都會立即跑返上前的~~ 要keep住平衡真係幾累~
Harley 行得慢, 有時佢突然發現自己落後左, 佢自己都會立即跑返上前的~~ 要keep住平衡真係幾累~
泊左d馬係度, 我地就去小休一下, 食茶點~
最後面, 係樹後面的就是 Harley , 一停左係呢度, 佢就係咁用個 pat pat 係棵樹度 hi 下hi 下........
佢 pat pat 好痕?
教練姐姐就地生火, 煲茶比我地, 仲有烘緊麵包~
呢種煮茶的方法, 好似係澳洲的一種特色的茶, 個名我唔記得左了~
好有 "道地" feel~~
好想唱返句 ~~~人善天不欺 簡單一個道理.......~~~~~ 
休息完之後,
姐姐幫我地騎返上馬, 走 lu~
嘩! 滿地都是~~~~
d 馬會一路行, 一路大大 or 小小 的~我係後面睇住前面隻馬 小小 的時候, 真係水力強勁架 !!! 一d都唔小.......
返到馬房的時候, d馬好叻架, 自己認得自己間房, 自己行返入去的, 唔洗人地拉佢入去~
玩完返黎先睇到呢塊板~
原來我 Harley (no. 5) 已經 20歲架啦~ 差唔多係全場最老的馬女....... 唔怪得佢好似唔多精神咁啦~ 真係辛苦佢老人家了......
Cooper (no. 15) 是7歲的男仔~ (好似是年紀最細的一隻)
我返黎先上網睇返資料, 原來馬的壽命只有 25 年, 最多30年.......
咁 Harley 真係好老了.......
睇返佢地d馬, 大部份都是十幾歲的, 都是中年馬了~
我媽媽話, 咁樣比人騎黎玩的, 一定是老馬~ 後生的應該拎左出去跑啦~
你地又唔識騎馬, 比隻咁後生的馬比你, 佢突然間唔聽話, 跑起上黎, 你一定死硬 (~.~!!)
我之前去 melbourne 的農莊的時候, 都有見過馬~ 農莊的兩隻馬, 好似天使咁, 好靚, 自由自在的~
我覺得佢地見到主人好似係度笑緊咁, 好開心的~
不過呢度的馬, 我感覺唔佢地開心..... 感覺好唔同......
雖然, 我見唔到佢地對d馬唔好...... 不過感覺很奇怪......
我覺得騎馬好好玩, 好想再騎, 但係又覺得自己好似正在奴役緊佢地咁.........心情好複雜........
毛啦啦放支樹枝係我老公隻腳度???
原來係要我老公同佢玩拋樹枝
騎完馬之後, 活動公司送返我地去 gold coast ,
下午的 gold coast 一直在落雨........
所以我地一直都在商場內......
接近傍晚時, 才行出海灘走走~
好大浪的海灘......
雖然落雨, 但仍然見到有人游水~
賣廣告.....
逢星期三、五 5:30pm - 10:00pm 在海灘傍的 海賓大路上, 有個 Night market~ 呢個就係我安排星期三黎 gold coast 的原因~
Night market 唔大的, 好快行完~ 其實行左咁多個市集, d野好多都係差唔多啦~ 不過都會有少部份攤檔有d特色 gei ~
今次我有買到野呀~ 買左一對手工做的樹熊結婚公仔, 用粗麻布做的, 好有handmade feel, 又唔貴~
不過送左比人lu~ 唔記得左影返張相tim~
晚上, 搭返巴士no. 745, 去火車站返 Brisbane~
巴士中途會經過很出名的 " 木星賭場 " 有興趣的話可以去參觀下~
記得出發之前睇定尾班車幾時開呀~ 唔好玩到唔知時間 ^ ^
搭巴士的時候, 我地上左車先發現 張 go card 負值...... "dou" 唔到.......
打算同司機直接買車票, 司機問我地去邊, 我地話去火車站搭車返brisbane , 點知個司機叫我地唔洗買票 !!??
? ? 究竟係個司機好人?? 定還是其實火車票已包埋轉乘巴士的費用呢??
我地無再問呀~ 人地叫你唔洗比$, 當然唔比啦~ 仲要煩住人地問人點解唔洗比咩 ??
去到火車站有增值機, 增值返就可以搭火車了~
沒有留言:
張貼留言