2012 向南半球出發, 澳洲之旅 - Cairns 第三天大堡礁 (一)

去大堡礁的活動公司都有好多間, 點選擇好呢?

雖然我只有一次經驗, 唔算是心得, 不過以下是我個人的少少意見:

係出發之前, 我睇左好多個blog, 總結:

Sunlover
http://www.sunlover.com.au/
- 比較多國內旅行團參加, 香港團都有, 大船, 所以一團可以幾百人一齊出海, 在市中心的碼頭出海,有玻璃底船, 有自己的浮台(出到海之後, 在浮台上活動)

Great Adventure
http://www.greatadventures.com.au/
 - 好似話隻船比較 Sunlover 新d, d野好食d,  都係大船, 好多香港旅行團都用呢間,  在市中心的碼頭出海, 有浮台, 有玻璃底船, 會去green island, 有水底單車, 海底漫步

Quicksilver
http://www.quicksilver-cruises.com/
-  都係大船, 有香港旅行團用,  有浮台,   有玻璃底船 ,  於 Port Douglus 碼頭出發 

Reef Magic
http://www.reefmagiccruises.com/
 - 細船, 一團人數比較少, 好似無浮台(唔係太記得), 有玻璃底船(好似有) 

ARISTOCAT  

(原本我打算報呢間, 不過因為果日太大浪, 船公司cancel左, 第二日係星期六, 佢地唔出海)
http://www.aristocat.com.au/ 
- 細船,  一團人數比較少 ,  沒有浮台 , 沒有玻璃底船 ,  於 Port Douglus 碼頭出發,  包1次深潛 (留意星期六、日唔出海)

Silver Sonic  ( 是quicksilver 旗下的公司)  

我最後報左呢間~
http://www.silverseries.com.au/sonic.htm 
- 細船,  一團人數比較少 ,  沒有浮台 , 沒有玻璃底船 ,  於 Port Douglus 碼頭出發
呢個網頁內會見到有另外一架細船 Silver Swift, 是由 cairns 市中心的碼頭出發的~


以上的都是在網上見到有blog寫過的公司, 費用大約都係咁上下唔會差太遠, 包的內容大致差不多, 主要都係包 : 浮潛用具, 早、午餐, 下午茶, 飲品 




大船 vs 細船?
大船 : 大船會定d, 無咁易暈船~ 但人太多, 可能未必會照顧到你 (我估的 !) (我自己唔鍾意咁多人...)
細船 :  人少d, 工作人員照顧得好d, 無咁多人同你爭d用具,  不過如果是大風浪的日子, 我諗大船會好d, 因為當日我搭架細船拋得很利害...


有浮台 vs 無浮台?
有浮台: 因為佢地d浮台都好大好大的, 所有活動都會在浮台上進行, 比較穩定d唔會咁暈 (如果當日是風浪大的話, 有浮台應該會好d)
我覺得會適合一d 游水唔叻的人, 因為有固定的浮潛位置~
無浮台: 通常都會去幾個潛點(三個), 可以睇多幾個地方, 但因為無咁穩定, 游水叻的人就應該無問題~ 游水唔叻的會覺得驚d, 茫茫大海得隻小船, 有d驚驚地 (果一刻我係有呢個感覺....之後游左一陣就好d...)
如果當日大浪的話, 隻船都會有d 拋拋下.....(易暈的人要諗下先....船上都有暈浪丸供應的 )


在市中心的碼頭 vs Port Douglus 碼頭出發? 
市中心碼頭 : 

好處: 比較近, 有d酒店近的, 自己直接行去都得~可以唔洗接送, 多數8:00 - 9:00am左右集合~
唔好處 : 佢地睇的潛點比較近, 有部分人話, d珊瑚已經出現白化現象, 無咁靚.....日日都咁大團人去, 唔多唔少都可能有d影響....Port Douglus 碼頭 : 

好處: 去遠d, 見之前參加過的人個個都贊d珊瑚好靚 (我自己親眼見過, 真係好靚好靚 )

唔好處: 好鬼遠, 要搭成個鐘頭車去, 通常都要同佢book 埋接送車~早上6:30pm 就黎接你, 要好早起身~


玻璃底船 :
如果怕水的或者唔方便落水, 又想睇大堡礁的, 就要選擇有玻璃底船的公司了~
不過跟據今次的經驗, 如果當日大浪的話, 有玻璃底船都可能好d, 因為太大浪好難游水....., 萬一真係落唔到水, 都仲有野可以睇下~


綠島 Green Island:
好似只有 Great Adventure 會去 綠島的,  島上有沙灘, 有 resort 的, 我無去過, 不過有去過的人寫,  比較適合一家大細去的~



最後, 點樣選擇, 就睇返個人需要吧, 最好都係留意下當時天氣啦~希望呢d資料幫到大家啦~~
(可以去到 cairns 先報名的, 去到睇天氣再決定)

有d問題, 好多人都問的, 我都將我所知的話比你地知啦~
每間公司都可能有d不同, 請自己再 double confirm 一下~

1) 一般的船上面都有locker 的, 好似要比$ 用的, 不過超細, 只放到銀包電話, 所以當日唔好帶貴重物品出去~
其實係船上面都唔會有其他外人入到黎, 應該都安全的, 不過坐大船的話, 會比較多人, 自己留意下自己d野啦~

2) 船上只可以用清水沖身, 不能用皂液, 以免污染海洋

3) 船上一般都有暈浪丸供應的, 自己問下人啦~ 不過要在出事前半個鐘前食架 !

4) 船公司都有防水的相機租用的, 好似約au$50左右吧~ 詳情要自己問下~
我就自己在香港買定個即棄防水相機, hk$96 在快圖美買的, 好似有26張相, 質數就......um......一般啦~ 即棄相機, 唔好要求太高~~~~
船公司都會有攝影師幫我地影相的, 當然要比$買相啦~ 成au$20一張.......
 quicksilver 集團的, 事後仲可以上返呢個網頁, 睇返自己當日d相, 應該會存放約一個月, 當然是mini size 啦, 要 full size 的話, 要比$買啦~~ http://www.indepthvideo.com.au/

5) 浮潛用具, 多數plan 都包左架啦~
唔識遊水的, d 浮水 noodle 自己拎黎用就ok~
因為海裡面都會有水母, 所以建議著返件防寒衣落水, 呢個通常都要比 $ 租
(我老公真係見到一堆水母係前面, 即走!!!! 有衫著住都好驚!!!)

6) 近視都無問題, 佢有有度數的 mask 比你的, 我係大近視, 我都用左, 都ok~ (當日全場只有我一個要用...)
我老公當日就帶左 con, 個 mask 都 "cup" 得好好, 無入過水, 就算入都唔怕, one day con 黎的 ~~

7) 我初初都擔心d水會唔會好凍, 因為我是秋天去的, 再加上當日大風暗天, 當日溫度只有廿幾度 .......(我是一個怕凍的人)
但係, 原來d水係唔凍的, 我覺得d水暖暖地 tim , 不過上水果陣 d 風吹過黎, 就凍了~
點解唔凍gei呢 ....... 工作人員話, 珊瑚都怕凍的, 佢地要生活在暖水的水域, 所以大堡礁d水係唔會凍的~
加上珊瑚是要吸收陽光的, 所以位置都比較淺水, 自然就無咁凍啦~

8) 無潛水牌都可以玩深潛架 ~
不過我當日無玩....而家諗返有些少後恢.......因為當日好少人, 基本上工作人員同參加者比例是 1: 2, 咁好照顧, 無玩, 好似有d笨.......

9) 淨係浮潛都可以睇到好多珊瑚同魚仔架啦~ 都已經好近, 我都怕隻腳唔小心會踩爛d珊瑚.......