2012 向南半球出發, 澳洲之旅 - Melbourne 第三天 Farm Stay 農莊生活體驗

10/4/2012 星期二, 早上有d雨, 下午開始好天

一早起身, 打開窗簾望下出面先~
房個窗, 是個落地大玻璃窗~
昨晚黎的時候, 因為個天已經黑曬, 所以什麼都看不見~
今日一打開個窗簾, 嘩嘩!! 原來是個很美的花園 ^^
仲見到隻鴨鴨係出面行過 tim ^^ ( 昨晚淨係見到佢 pat 屎 .......)

立即起身, 出外面走走 ~~ (我老公仲係度瞓緊.....)
Rodney 已經一早出左去返工了,  Marie 正在準備我地的早餐~
一出到去....... ~~~~~~ 好凍 ~_~ !! 仲有少少雨tim ......
走返入屋, 著衫, 再出去~

你睇下個花園幾靚 ~~~ 

這就是我們昨晚睇星星的地方～

種左好多薰衣草，超美的

仲見到彩虹 tim ~ 即時心情大靚

農莊只一隻鴨鴨，(第一次見這種紅色面的鴨鴨～）

佢可以周圍走架～所以屋出面成日都見到佢D屎。。。

狗狗Georgie 仲瞓緊 ^^

早餐，我好鍾意個雞雞壺～

食完早餐, 休息一陣之後, 就出去幫手餵動物啦 ^^

餵雞  （點解隻鴨會入左個雞舍度 gei ??)

d 果皮，包皮，食剩的飯，就比埋雞食～

佢地仲有廚餘桶做肥料 tim, 好環保～～

你估下呢個係邊個間屋？？

。
。
。
。
。
。
。
。

答案係 ： 鴨鴨間屋～～仲有鴨蛋tim (我之前以為係 Georgie 間屋tim~)

新鮮雞蛋^ ^ (暖暖的)

摘豆豆～

D 豆豆要咁樣包住種，否則D雞會食曬D豆。。。

佢仲種左好多唔同的菜，不過D英文菜名我唔多識，所以佢介紹完，我都唔知係咩黎.......

你又知唔知佢係咩黎呢？

係西蘭花BB , 好可愛呀～

原來青瓜D花係咁gei~

新鮮^^

跟住去餵牛牛，佢就係Daisy啦～ 佢仲係BB黎架，佢媽媽唔要佢，所以要餵奶～ 農莊只有佢一隻牛牛～

跟住去睇一隻好特別的動物 ～～
。
。
。



佢就係～
燈
。
登
。
燈
。
登
。
櫈

草泥馬 （羊駝）

牛牛，羊，羊駝，係住埋一齊的

當我同D羊玩緊的時候，你睇下我身下面黑色的是什麼？？
係 Daisy, 佢係咁跟住我，仲要係度狂啜我件衫 （好彩件衫唔係我的.....是Marie 的～）啜到成件衫都係口水........
仲要踩左我幾腳........好疼.....佢好重........

佢個樣真係好得意～

D羊原來係唔洗點照顧架，佢地自己會食草，仲可以唔洗剪草tim, D便便又可以做肥料～所以現場滿地都是便便.......

佢有介紹D樹種黎有D咩用的，不過我忘記了.......

跟住 Marie 帶左我地遊覽個 farm , 超大呀。。。。
仲會見到野生袋鼠，不過太遠，影唔到～

這個是狐狸洞～

幸好 farm 裡面有 Georgie, 否則D袋鼠同狐狸會走黎攪破壞.......


佢介紹個 farm 的運作，我記得中學的時候地理堂有學過，真係讀萬卷書不如行萬里路～
個 farm 真係好大，我諗應該大過維園～我地應該都行左成個鐘有多～


行完之後，食午餐lu~

個湯D菜，就係頭先摘果D啦～

頭先睇左咁多動物都係好自由走動的，我就好好奇咁問，佢地會唔會打交的呢？？
Marie ：No fighting, this is the rule of the farm~ the animals know that !
好神奇!！唔洗教架？佢地自己會知 !？
好似睇緊 “寶貝小豬嘜” 咁！

食完飯休息一陣～
Marie 成日都叫我地 relax D ～  (佢可能覺得我地唔夠 relax~)
咁我地就 relax 下啦～ 喫杯茶先~

下午個太陽出返黎啦～

食住茶點黎畫畫，感覺很好～

（我帶左D畫具出黎旅行，打算會寫生的，結果，全程只畫了這一幅.....)

休息完之後，就去餵馬啦～

佢地養左兩隻馬，一男一女，而家我餵緊的是 Sally, 佢食緊紅蘿蔔同萍果,  我唔記得左男仔個名tim...
佢地好靚～ 好似天使咁～
當 Marie 叫佢地的時候，兩隻馬在遠處跑過黎時，我真係覺得好似有兩個天使跑緊過黎咁架 ！！真係好靚
從農莊裡面所有的動物見到 Marie 的返應就知，佢對D動物很好，D動物一見到 Marie 就會好開心咁走過黎，Marie 仲會續隻叫佢地個名 ^^ 每隻都有自己的名，除左住在遠處的 300隻羊～～

食乾糧～

擦下毛先，不過Sally 係唔鍾意擦毛的，所以走開左～

餵完馬，返去休息一陣，我地就要走啦。。。
真係好想留係度耐D呀～
令我最意想不到的就是，原來這裡是沒有蚊子的 ！！？？ （是 Marie 講架～）
咁我真係見唔到有蚊 WO～ 連蟲仔都唔多見？？ 只係見到蜜蜂～
起初我已經有定心理準備，鄉下地方一定好多蚊蟲，帶定左蚊怕水，結果，完全無用過～～
我一向都很响往鄉下的生活架，唯一令我卻步的，就是多蚊蟲........
我諗，這裡真是一個我想住的地方

這裡是農莊的入口，呢舊石是天然的～
以唔似一個人在坐著呢？而佢個面，是面向住農莊的，
所以，農莊主人視佢為守護神的～


回程時架 V / line Coach 一樣都係遲到的..........