2012 向南半球出發, 澳洲之旅 - Cairns 第三天大堡礁 (二)

好啦~要講返當日的體驗啦~  (以下有d相是我當日無比$買的, 所以有個水印係度, 無水印的就係用個 cheap cheap 即棄相機影的～)

今日天陰, 好多好多雲, 好彩無落雨, 不過好大風(超大風)~~~

真係黑仔, 係 Cairns 幾日都大風落大雨, 好彩, 今日算係咁架啦~

活動公司一早6:30 就黎接我地, 搭左一個鐘頭車去到  Port Douglus 碼頭,
先要在 Quicksilver 個櫃位到, 登記, 比$ , 之前只係比左訂金~

8:30am 上船~
今日船上面的乘客唔多, 只有 十幾個人,  工作人員同參加者比例大約是 1: 2
我估係因為天氣唔好先咁少人姐~
開船之前, 工作人員都派左 暈浪丸比我地, 叫我地最好食定先~ 因為今日會好大浪~
平時唔會暈船的我, 今日都決定食定一粒先~
(提提大家,  暈浪丸 要在出事前30分鐘前食架!!!)

出海啦.........
一離開碼頭範圍~~~~~好..大..浪..呀~~~~~!!! ~~~~ !!! ~~~~ !!!!
我覺得好似坐緊過山車咁.......
拋高~~~~~拋底~~~~~拋左~~~~拋右~~~~~~~
我並沒有暈船~~ 不過, 我好驚......(我平時係唔敢玩機動遊戲的......今日竟然要坐成個鐘頭的過山車........)

我見到前面個男仔就嘔到七彩.......其他人都有幾個唔舒服......
船上面d工作人員見到你地暈船的話, 就會比一條冰涼的紗布, 幫你包住條頸, 好似話咁樣會舒服d ~~
早上, 船上面係有自助早餐供應的, 不過...~~...咁拋....~~~.....叫人點食  ~....~!!
我只食左一件三文治, 一杯茶

~~~~  一個鐘後  ~~~~

到左第一個潛點......
隻船係停係個海中心的, 四週圍什麼船....什麼島....什麼都沒有.....
工作人員講解點用d浮潛用具, d野係邊度自己拎黎用~
去更衣, 自己去拎d工具就可以~
租件防寒衣 au$7 一件
因為海裡面會有水母, 所以建議著返件防寒衣落水, 
後來我老公真係見到一堆水母, 即走!!!! 有衫著住都好驚!!!

我有大近視的, 個姐姐好主動咁拎d有度數的 mask 比我試~ 
(全船人, 得我一個要用~...~)

帶好曬d 野, 落水lu~~~
有d 驚.....我已經拎左條浮水麵麵架啦~~~~(我有成年多時間無游過水啦......提下你地啦~~下次出發之前最好都係游返幾次水先~~)

個姐姐見到我咁驚, 就問我......不如比件救生衣比你啦!!!....
於是, 我著住 救生衣, 抱住條 麵麵落水~~~

我同好多人一樣, 都係怕凍的, 怕d水會好凍~
原來, 唔. 凍. 架~~~~
我仲覺得暖暖地 tim~~
個姐姐話, d珊瑚要生長在暖水區域要曬太陽架,
如果d水凍, d珊瑚就死架啦!!! (但係太熱都唔得~)
不過上水果陣, d風吹過黎~~~~呼~~~ 好凍~~~~

!!!!  嘩!!!  嘩!!!  嘩!!! 下面好靚呀!!!! !!!! !!!!
就係架船下面的已經好靚, 浸個頭落水就睇到~
好多顏色~~  (不過唔知點解, 我部相機影唔到d顏色出黎......可能個機太cheap......或者是我地技術太差.......同天陰掛........)
我在香港買定左個即棄防水相機, hk$96 在快圖美買的, 好似有26張相

自己D相同人地D相真係差得遠....... 上面果張係攝影師影的，都係同一日影架........

下面是我影的～

超多，超大片珊瑚 不過D顏色唔係太影到出黎。。。

好多好似腦咁的物體

我想游出d睇下, 努力地游~~~~~~~  努力地游~~~~~~~
抬頭回望........我.......仍在起點處........!!??
d 浪好大.........唔多識游水的我, 可能泳姿不正確, 用了很大氣力都游唔到出去..........
比d 浪沖返轉頭........

（抱住條麵麵坐係度果個咪我 law~~)

我老公呢 ??? ....... 游左去好鬼遠law........唔理我.........
返到黎, 佢就話見到水母啦~~
本來見到一隻, 好靚, 慢慢欣賞下先... 點知轉頭望下前面......
嘩!!!! 一大堆!!!!! 好驚 !! 即走!!!!

游左一陣間, 我無睇時間~ (都唔知游左幾耐...)
就叫返我地上船,
開船去下一個潛點~

第二個潛點好近, 好快就到左~
呢個位置, d珊瑚比較遠, 而船下面的位置, 一片空白~~

要遊出去先睇到......
我幾經辛苦, 游左出去一點點, 先睇到少少珊瑚........
當我想停下來慢慢欣賞.........就發現自己又在到退中..........又沖返去船果邊了.........

d參加左深潛的團友, 可能係下面餵緊魚, 所以見到下面有好多魚游過 ^_^
我老公呢?? 又游左出去老遠了......又唔理我.......

呢個潛點好似唔係留左好耐.....
又要上船了, 午餐也準備好了, 是自助的, d味道就....一般啦.....未去到難食的^_^!!
在外國地方, 食意粉一定無死 ^^ , 要食飯的, 就返香港先食啦~
不過又係開住船黎食........又係拋下~~~拋下 ~~~~~


好快~ 到左第三個潛點了~
個姐姐話, 佢會 guide 我地游出去, 睇魚~ 有興趣的就跟住佢游~

不過剛才努力游完之後, 我發現我隻腳比隻蛙鞋夾到甩左皮........
我話比個姐姐知, 想睇下佢有無野比我包住先落水~
佢就比左樽凡士林比我, 叫我塗一大pat 落去......!!!
我照做啦~
!!! 原來很有效的!! 隻蛙鞋唔夾腳啦!! 早知一早就塗定d啦.........
凡士林  真係神奇~~ 萬能的!!!
(隻蛙鞋夾腳應該係我的問題.......現場只有我一個係咁.....可能我隻腳比較薄, 著細一個size 又鬆又突左d腳趾出黎,   fit size 的都係覺得鬆........ )


今次, 我老公就拖住我出去, 因為我真係無力游得遠.....

嘩!!! d珊瑚真係好大片, 好近, 好似會踩到佢地咁~~
好多顏色, 好多魚~

個姐姐仲會潛落水底捉d海星上黎比我地摸下,
我地今次睇到一隻藍色的比較特別的, 因為正常海星是有五隻腳的, 呢隻只有4隻腳, 唔知點解??

不過真係太大浪了, 唔可以停係度慢慢睇........停下來就會被水沖去.......
真的很吃力........

返到隻船旁邊, 見到條超大鬚眉, 好似成個人咁大條, 我仲摸到佢tim^^ 好滑的~~

真係好大隻, 個口好大, 有d驚佢會咬我^^

原來佢地餵緊魚, 佢應該都習慣左日日黎食野架啦~
我之前睇人地d blog, 就算唔同船公司的, 都有影到條大大鬚眉!!?
 究竟係個海真係有咁多大鬚眉? 定還是一條魚走幾個場呢?   

呢個潛點好似留得比較耐d~
不過, 歡樂的時光真係過得很快~ 要走了.....
又要坐一個鐘頭過山車.........
回程的時候, 個姐姐主動走過黎幫我隻腳塗返d黃藥水~~好細心呢^_^

有茶點食......不過又係拋下~~~拋下~~~咁食.......
我只係食左件朱古力蛋糕 ja.....
路途上會播返頭先幫我地影d相出黎, 目的, 當然係叫你買啦~ 現場買好似 au $16 定 $18 一張, 唔係太記得, 買多幾張好似平d~
不過太貴了....我無買到~
一個月內, 上網可以睇得返架~ 網上買返就要 au$20一張~
 quicksilver 集團的船出海的相都係可以係呢度睇返的~
http://www.indepthvideo.com.au/ 

返到碼頭等車接我地返去, 呢個時候就落大雨啦........
個天對我地都算係咁啦~ 忍左成日~ 等我地去玩完先至落~~