2012 向南半球出發, 澳洲之旅 - Brisbane 第五天, Lone Pine Koala Sanctuary

19 / 4 / 2012 , 晴天,  整個旅程, 天氣最好的就係今日~ 明天就要走了.....

無睇過樹熊, 點算黎過澳洲呀!!!
今次澳洲之行的主角當然係佢啦~

我選擇左去有130隻樹熊的 Lone Pine, 而沒有去我朋友推薦的 Currumbin ( 佢無去過 Lone Pine)
由於我見唔到有人兩個動物園都去曬, 所以無得比較......
Lone Pine 的感覺上好似無咁商業, 所以我選擇左佢~

去 Lone Pine 可以係市內的 Information Center 買定票先, 平兩蚊au架 !!!!!
佢地仲會比張巴士時間表比你, 教埋你點搭車tim~

其實個巴士站同 information center 都好近~
車費 :  au$6.2 (paper ticket ) , go card au$4.24, $3.4(off peak)
車程約半小時~

2012 向南半球出發, 澳洲之旅 - Brisbane 第四天, Gold coast 騎馬一天遊

18 / 4 / 2012 早上晴, 下午開始勁大雨 (T_T)

原本book 左今日下午去騎馬的, 但係昨天活動公司打電話黎, 話下午會落雨, 請我們改早上去~
因為我地無係 Gold Coast 住, 要由 Brisbane 搭車去, 所以要好早起身.......搭6點幾班火車......

由 Brisbane 去 Gold Coast 需時約一個半小時, 因為覺得都幾近, 而且又覺得 Gold Coast 無咩野岩玩, 所以決定只係到此一遊, 唔住一晚了~
( Gold Coast 的住宿平均都比 Brisbane 貴, 這樣又可以慳返少少 ^ ^ )
其實多數人去 Gold Coast 都會去主題樂園的, 不過我個人對主題樂園不感興趣~ 加上, 我朋友去過之後, 話d 樂園都好細, 好似海洋公園仲精彩得多....... 所以完全無打算去........
而我在 melbourne 的時候都去左農莊了~ 所以 "天堂農莊" 我亦不用去吧......

2012 向南半球出發, 澳洲之旅 - Brisbane 第二，三天，Tangalooma 餵海豚^^

哎.........自從 yahoo blog 摺左之後, 我就要一篇一篇咁搬過黎......真係好麻煩..........
主要係d 相, 要一張一張從新夾過入去.....
有諗過放棄.....
但係辛苦寫出黎的旅遊資料, 除左想方便其他喜歡自助遊的朋友之外,
其實都想用黎比自己睇返~
間中睇返自己旅遊的紀錄, 回味每一個細節同經歷, 都幾開心架 ! 好似去多次旅行咁~

希望我可以在 2014年的澳洲之旅出發前搬完 2012年的遊記啦~

(update by 22/8/2014)

16/4/2012 - 陰天，間中見到少少太陽，好彩無落雨

我地今日會去 Tangalooma 渡假村住一晚～
Tangalooma Island Resorthttp://www.tangalooma.com/info/home/
 呢度最出名的是有晚間餵野生海豚活動，而且島上面有個大型的沙丘，所以滑沙活動也是他們的賣點之一
渡假村位於Moreton Island 島上，所以需要搭船去～
而上船的碼頭應該是 Tangalooma 專用的，就好似一個遊樂場的入口一樣～
其實就唔一定要去住一晚的，因為我唔想太趕，所以選擇住一晚先走～
可以選擇一天遊的, 已經會包埋餵海豚架啦~ 夜晚7:00pm 一餵完即時搭尾班船走~ (佢地會讓即日走的遊客餵先~)

2012 向南半球出發, 澳洲之旅 - Brisbane 第一天

15/4/2012 一早由 Cairns 飛去 Brisbane , 

需時大約兩個鐘~

Brisbane 機場出市區都好方便~ 半個鐘內的車程就到~
除左搭的士之外, 有兩種方法 :
1. 搭 Airtrain 
由 Airport 去 Central Railway Station 約24min, AU $15.5

2. 搭 Coach
機場外面都有一些 coach 的公司, 直接同佢地買票就可以~
搭 Coach 的好處 ﹣﹣直接送到你去酒店門口~
我無夾過其他公司的價錢, 因為旅館介紹我用呢間:
Con - X - ion Coach Shuttle
售票處的位置在 Virgin 的 check in counter 對面
(留意: 我從國內線 Terminal D 入境的, 如果你係國際線入境的話, 去information 問下人啦~)
 AU $ 15
($15 一位, 平過 Airtrain, 仲要送到門口~ 我當然搭佢啦~ 最好book 定回程 tim , 方便d~)

2012 向南半球出發, 澳洲之旅 - Melbourne 第四天 Sovereign Hill 淘金小鎮

11／4 （三）晴天

Sovereign Hill
http://sovereignhill.com.au/
呢個地方都可以玩到一天架啦～
如果跟 tour 黎的話，通常都會去多一兩個景點，通常都會去酒莊，因為附近好似有個出名的酒莊，
不過，我地對酒沒有興趣.........
而且這個地方可以自己搭車去到的，所以，唔會 join tour~
我有朋友在China Town join tour 去的，佢個tour 價錢都算抵的 ~ Sovereign Hill + Phillip Island 睇企鵝，不過只限星期日出團。。。時間唔岩我～ (只會有兩個鐘頭在淘金鎮, 唔夠時間玩曬的~ 可能是我睇野比較慢.......)
公司名我唔記得左了，不過，好似沒有其他公司會咁樣去。。。
* 提醒大家，報團之前記得問清楚包唔包入場費，同埋要比幾多導遊小費～


交通：

2012 向南半球出發, 澳洲之旅 - Melbourne 第三天 Farm Stay 農莊生活體驗

10/4/2012 星期二, 早上有d雨, 下午開始好天

一早起身, 打開窗簾望下出面先~
房個窗, 是個落地大玻璃窗~
昨晚黎的時候, 因為個天已經黑曬, 所以什麼都看不見~
今日一打開個窗簾, 嘩嘩!! 原來是個很美的花園 ^^
仲見到隻鴨鴨係出面行過 tim ^^ ( 昨晚淨係見到佢 pat 屎 .......)

立即起身, 出外面走走 ~~ (我老公仲係度瞓緊.....)
Rodney 已經一早出左去返工了,  Marie 正在準備我地的早餐~
一出到去....... ~~~~~~ 好凍 ~_~ !! 仲有少少雨tim ......
走返入屋, 著衫, 再出去~

你睇下個花園幾靚 ~~~ 

2012 向南半球出發, 澳洲之旅 - Melbourne 第二天 Puffing Billy 蒸汽小火車 + Farm stay

第二天 9/4/2012 , 雨天.....

一早出發去坐小火車, 下午搭車去 farm stay 住一晚~

呢日比我地發現, melbourne d 火車係超級唔準時的......網上check 到的時間, 唔好盡信......

話說~
我原本打算坐最早的一班 小火車的, 計好曬回程時間~ 接住之後搭火車去farmstay 的......
點知.....早上班車唔準時......


第一站 Puffing Billy 蒸汽小火車

2012 向南半球出發, 澳洲之旅 - Melbourne 第一天 Victoria market + St. Kilda beach

7/4/2012 , 18:55 機, 澳航, 由香港去墨爾本~~

出發啦~~
架機剛行左幾下, 就走返埋站!!?? (近似的情況, 我地回程又.......)
機師廣播~~~~ 由於有一架飛機在跑道上發生問題, 要等跑道清理好才可以起飛, 請各位乘客耐心等候~~~
我地只有睇住戲, 等......等.......等.......

機師廣播~~~~  跑道已經清理完畢, 我地正在輪候起飛, 而家排第三架飛機~~~~~
等......等.......等....... 
從窗口可以見到後面, d飛機排長龍~~~~
原本約左個住在Melbourne 的朋友係火車站等的, 即時send 個message 比佢, 叫佢自己上網睇返我地的到步時間~

2012 向南半球出發, 澳洲之旅 - Cairns 第三天大堡礁 (二)

好啦~要講返當日的體驗啦~  (以下有d相是我當日無比$買的, 所以有個水印係度, 無水印的就係用個 cheap cheap 即棄相機影的～)

今日天陰, 好多好多雲, 好彩無落雨, 不過好大風(超大風)~~~

真係黑仔, 係 Cairns 幾日都大風落大雨, 好彩, 今日算係咁架啦~

活動公司一早6:30 就黎接我地, 搭左一個鐘頭車去到  Port Douglus 碼頭,
先要在 Quicksilver 個櫃位到, 登記, 比$ , 之前只係比左訂金~

2012 向南半球出發, 澳洲之旅 - Cairns 第三天大堡礁 (一)

去大堡礁的活動公司都有好多間, 點選擇好呢?

雖然我只有一次經驗, 唔算是心得, 不過以下是我個人的少少意見:

係出發之前, 我睇左好多個blog, 總結: