追櫻昇龍道 2016 - 近江町市場，加賀溫泉 ゆのくに天祥

11/4 (日), 陰天

今日住的酒店沒有早餐供應,
所以, 一大早, 我地就出去搵好野食啦~

金沢出名多好野食的地方, 當然是近江町市場吧 !!
必到景點之一啦~

由車站(我們的酒店正正在車站上面) 步行 >> 近江町市場
只需 15分鐘, 當晨運吧~ 做完運動一陣可以食多D ^^

一踏出車站~~~~呼~~~~好凍呀~~~~
今日只有2 、 3度.........
我地要把帶來的衫都著曬上身才叫做夠暖.....
主要是因為大風, 超大風.... 所以感覺更凍......
呢一刻就有一點點後恢無帶大羽絨啦...... (但如果我真係著件大羽絨, 一定比當地人笑.....)

急步行去近江町市場, 咁樣, 身體會暖D !!!

追櫻昇龍道 2016 － Day 4 金沢（下）兼六園的日與夜

差不多5:00PM左右, 我們黎到今日最後一個景點了~

《 兼六園 》

呢個好似係唔知日本的第幾大名園, 即是非常出名啦~

不過我今日黎的目的是櫻花 - 夜櫻 ! ! (今次是第一次睇~~)

呢個公園好鬼死大的! 我好似無行曬........入到去都迷左....以為行完.....

加上當晚突然氣溫急降!!!! 原來晚上只有10度以下 !!  (第二朝仲要得返幾度ja!!!)

最後真係頂唔順，好快行完走人啦~

日本人真好, 櫻花季期間, 竟然不是加價!! 而是免費入場!!!??

仲要延長開放時間, 可以睇夜櫻 tim!!

今日是最後一天了!

追櫻昇龍道 2016 － Day 4 金沢 (上)

10/4 （日），陰天

一早起身，搭 8:40AM 的巴士由名古屋 ＞ 金沢
車程要 4 小時呀！
其實瞓下瞓下都好快過的～ 架車都幾好瞓＾＾

因為唔想帶住兩個大行李去咁遠，所以留低左一個裝滿戰利品的行李寄存在酒店(免費, 當然最後果晚要住返同一間酒店啦~)，
咁就可以只帶一個行李走埋餘下的旅程，已經夠用了，跟住呢幾日都無咩野買了～

呢架巴士有得差電架！！

咁樣，4 個鐘頭就一D都唔會悶啦～

追櫻昇龍道 2016 - DAY 3 関市, 大須商店街

9/4/2016 （六）陰天

因為老公玩日本劍道的關係, 對於刀, 有一種特別的愛好....
知道呢度有間日本刀的博物館, 有冶刀表演睇,
所以選擇了一個山卡啦的地方一遊~~
呢個地方, 應該無咩香港人會有興趣....
但我竟然由三色大台的旅遊節目得知呢度的資料!!!

其實関市並不在名古屋,
名古屋位於愛知縣, 関 位於岐阜縣,
已經去左另一個縣啦~ 你話遠唔遠?!

追櫻昇龍道 2016 - Day 2 名古屋 Shopping @ 栄

睇完櫻花後, 晚上轉到 栄

這個地方名, 單字一個栄, 是名古屋有名的商圈,

名店, 地下街, 商場...... 品牌的集中地, 是 Shopping  的好地點~

其實我比較喜歡行商店街的~ 所以無預咁多時間行了~

品牌店,  GU、addi、ABC、激安, 這些很多人都有介紹吧~

所以我唔多講啦~ 真係要 Shopping 的, 呢度可以行足一日呀~

留意, 大部份店舖都是營業到 8:00PM 炸!! 在日本做售貨員比香港的幸福得多了~

估唔到連食店都咁早收架!!! 

原本在地下街路過見到 KYK 吉列豬排飯店 (我們常食的, 日本各地都有分店)

但當時, 時間尚早, 打算行完街先去食, 

點知!!!

8 點幾就收左啦......

(結果我在行程最尾果晚, 專程去食返一次~)

等我介紹 D 無咩人提過的商店啦~

2014 澳洲 My dream Harp豎琴工作室之旅 11 - 最後一天, Featherdale Wildlife Park

6/10 (一), 晴天

搭了一整晚的通宵火車~~
睡得不太好.......
早上7:00  又返到 Sydney 火車站
先去 酒店 check in
因為太早, 所以, 只可以放低行李~

今晚住的是
Leisure Inn Sydney Central
位置在我們第一天住的 hostel 對面 hahaha~
都是很近火車站,
而價錢差不多~

希望今晚睡得好一點所以選了 Inn,
不過住 hostel 的最大好處, 就是可以煮食~~
Inn 的好處是有獨立洗手間, 房間及睡床大一點 (理論上係, 要留意房間的介紹及客人評價!!)
今晚呢間, 房間幾大, 環境清潔, 不錯~不錯~

今日沒有安排很豐富的行程,
只是去動物園探下樹熊仔, 咁我呢次的澳洲之旅就圓滿了!!

在Sydney 眾多的動物園中,
我選擇了 Featherdale Wildlife Park
原因當然是樹熊吧~~
聽聞Sydney 的動物園都不能抱樹熊的!! (無所謂啦~ 我之前抱過一次就夠了hahaha~)
雖然不能抱, 但可以合照同摸摸樹熊~~~
這個動物園的特點就是, 全日都可以有樹熊"供應"在照相區內跟大家合照, 而且是免費的!!!!
(其他動物園都是有指定拍照時間的~)
咁好的機會可以親親樹熊, 我當然要排多兩次隊, 影多幾張相啦~

交通:
去呢度好簡單~
搭火車"Blue Mountains Line "到 Black town Station 落車

到 9號巴士站牌搭 725號巴士, 買車票的時侯同司機講去動物園的, 到站時司機就會提你架啦~
一落車行過對面馬路就係動物園~

網上有很多人提醒, 在機場要拎"Sydney Guide" 英文版, 因為裡面有動物園的折扣劵!!
但係我拎左之後先發現, 到期日竟然是 30/9/2014 !!!!!
我是6/10/2014 去的!!! 即係用唔到law........T_T!!
點解會咁架!!!!!...........

佢係Wombat

佢地住的籠子, 只有半身高, 所以可以摸到佢 ^_^

佢正在睡夢中~~

Wallaby

呢種是小袋鼠, 

留意不是 Kangaroo (大袋鼠)

澳洲的袋鼠原來有很多品種的~

佢地可以自由活動架~

我地可以比 $1au 買一個雪糕筒的草草餵佢地食^_^

不過, 唔知佢地是否吃飽了, 還是比較害羞......

還是不喜歡我們手上的食物呢？？.......

佢地見到食物的反應, 不如我想像的.......

我, 有點失落.....

佢地似乎鍾意雪糕筒, 多過入面D草..!!!

見到BB 呀!!!

佢對我們手上的食物, 完全沒有興趣........

最後小朋友迫佢食, 仲迫走左佢tim XDDD

反而呢隻野對我手上的食物好有興趣!!
(hehe~~我係唔會比你食的XD ~死心吧~)

全日都可以排隊同樹熊仔影相架!! 免費架!!
工作人員會定時換熊, 比佢地休息~

不能抱抱^^
但可以摸摸~~ 我當然會抽曬水啦~
排左 3 次隊 tim 呀!!

呢隻可以抱啦~

我唔知佢係咩雀黎??
個樣超搗笑 XDDD

可以上手玩架!! (要有工作人員在場!)
軟棉棉的, 毛毛滑滑的!! 好得意^^

 仲有之前在墨以本睇過的小企鵝^^

開飯啦~~
這是飼養員介紹時間!

曬太陽??

迷你小袋鼠 (已經唔記得左佢個名了...)
個籠好低架, 可以摸摸佢^^

 呢隻我唔會摸啦XDD

 D羊咩都食架!!

去完動物園, 我地今次的澳洲旅程就完滿結束了~~
明天返香港啦~~

經過黃金海岸上空影架!!
真係一個超長的沙灘!!

追櫻昇龍道 2016 － DAY 2 櫻吹雪＠名古屋

8 / 4 / 2016 (五）陰天

呢幾日，我 keep 住每日睇櫻花的開花情報～

名古屋市內的櫻花，都已經過左滿開的日子了⋯⋯正在吹雪啦～

加上，昨天落左一整天雨⋯⋯唉⋯⋯

之前搜集了很多賞櫻名所的資料:

鶴舞公園, 岡崎城, 五條川, .......

可惜這些都已經去到吹雪的地步了........

賞櫻夢, 泡湯了 T_T!!

一早做好功課預備的我, 發現了一個最後的賞櫻地點!

好彩仲有一個, 是適合我現在去的, 原因是呢度的櫻花會比較遲開~

追櫻昇龍道 2016 －Day 1 香港 ＞ 名古屋

7/4/2016 (四）今日名古屋落大雨呀！！

今次的機票是用里數換的，D里數到期要換，但又唔算多，只夠換日本機票 （只係我對台灣興趣不大姐＾_＾! 去過兩次，夠啦～）

日本，我去過N次了，又比朋友話 ：又去日本？返鄉下呀？

屋企人 ： 日本？你咪去左好多次 LAW？仲去？

你知嗎？日本好大的麻～ 我都未玩曬成個日本⋯⋯

名古屋、四國、福岡、熊本⋯⋯ 我好多都未去過～

今次選中了名古屋，是希望趕到睇櫻花 (因為工作關係，我不能早多一星期出發～）

由於未知可否如願見到櫻花，所以今次編行程，我編得好彈性，做了幾手準備，如果不能賞櫻，就會改去第二個景點！

因為某D原因，我2月先去換機票，所以最靚的出發時間無我份啦～

要早去晚返，就只好選要在台灣轉機的班次吧！唉！轉機真是有點浪費時間⋯⋯

8:50起飛，15:40先到名古屋⋯⋯

追櫻昇龍道 2016 - 準備編

行程

早前受電視節目影響, 加上里數就快到期, 所以選擇了昇龍道的行程。

而且希望可以趕到追櫻, 想盡早出發啦 ~

櫻花期, 怕換唔到機票, 所以草草睇了大約行程就立即訂票了~
去昇龍道大多數人設計的路線都是 : 名古屋 > 高山 > 白川鄉  > 金沢  > 名古屋shopping~

最後幾日先 shopping 唔洗帶住行大大的行李走圍走麻~

點知我買票後才突然發現, 行程最尾3果日(14/4) 竟然剛巧是 ”春之高山祭” !!難得有祭典睇當然想去看看啦~

於是行程因此要反轉行了…..
名古屋3天 > 金沢 3天 (中間一天去加賀溫泉) > 白川鄉半天  > 高山 2天  > 名古屋1天