因為老公玩日本劍道的關係, 對於刀, 有一種特別的愛好....
知道呢度有間日本刀的博物館, 有冶刀表演睇,
所以選擇了一個山卡啦的地方一遊~~
呢個地方, 應該無咩香港人會有興趣....
但我竟然由三色大台的旅遊節目得知呢度的資料!!!
其實関市並不在名古屋,
名古屋位於愛知縣, 関 位於岐阜縣,
已經去左另一個縣啦~ 你話遠唔遠?!
関 , 是日本出名的鑄刀地方,
大部份的日本刀, 都係出自呢度~
除左刀出名,
還有"小瀬鵜飼"
漁夫用雀仔幫手捉魚, 有興趣的話, 可以去睇下~
晚上有捉魚表演的, 但留意, 不是全年都有, 有指定月份架!
不知是否需要預約, 有興趣的話, 請自己再查下啦~
這個地方, 我覺得只適合自駕遊的人士~
網上介紹呢度的人很少, 只見有一兩編, 而編者都是自駕人士.......
交通, 對於他們, 完全不是問題!
睇過我的 blog 的朋友都知,
我不會駕駛.....
要去呢度, 真係有點遠, 唔方便.....
轉搭 長良川鐵道 -> 刃物會館前 落車~
車程約 1小時 30分.........
車程遠, 但如果睇到想睇的野, 都是值得的!!
可是........
怪我沒有睇清楚冶刀表演的日期.......
今日是沒有的.......
我之前只留意到呢句:
実演公開時間
午前10時～／午後1時30分～／午後2時30分～の3回
以為日日都有......
原來忽略了:
2、3、4、6、7、8、9、11、12月の第1日曜日
(唔知點解咁大隻字都睇漏呢??.....)
呢間博物館, 是沒有官網的!!!
関市観光協会
www.city.seki.lg.jp/0000001558.html
関鍛冶伝承館
間館超細, 好快行完.....
超細的刀上刻字及圖畫!!!
已經無咩野行.....仲要有個館關左tim......
成隻蟹咁的萬用刀
呢個市出名的是冶刀、"小瀬鵜飼",
都展現在街上的渠蓋上。
都展現在街上的渠蓋上。
日本的渠蓋真係好靚! 每個地方的渠蓋都有當地的特色!
真係連的渠蓋都可以集郵!!!
"角丸" 呢間鰻魚飯, 聽聞好出名的~
山長水遠黎到, 當然要試啦~
唔近関鍛冶伝承館的, 要行大約15分鐘
我平時唔食鰻魚的, 都覺得好好食!
老公是愛鰻魚之人, 覺得非常好食,
比名古屋車站地下街那間出名的更好食!! (平反! 有可能因為我之前是買外賣會影響味道!)
呢碗飯真係貴啦......山長水遠黎食佢~
另外, 有一個地方, 三色電視台有介紹, 但我無去到的,
因為好遠, 我搵唔到有車到.......步行要45分鐘.....
我是不會搭 的士 的!!
三秀関の刃物直売センター http://www.hamonoyasan.com/
是一間賣刃物的店, 店主會表演居合道的! (睇表演需要預約)
只是一間賣店, 不去都無問題吧!
車站對面都有一間賣刃物的店架!
我買左這個手信給自己~
武士刀crossover 剪刀!!
好靚^^ 刀鋒上有武士刀的雲紋架!
(但後來, 我在高山的手信店都見到有得賣.......吹漲......)
下一站, 我地轉返去名古屋的大須商店街^^
很多大大小小的店，可以足夠行大半天了！！
掛住 shopping 的我沒有特別影相啦～
血拼的時間，真是分秒必爭的XD
不過，如果跟大阪的心齋橋一帶比較，這裡真是小毛見大毛啦～
如果只是打算要 shopping 而去日本的，真的不要選到名古屋XD
這間店都不用我多介紹吧～
很有名的愛麗斯的店，它的門口，真是很有趣^^
今晚的晚餐很讚呀！！
又平有好食，超抵食！
我一向很喜歡吃 丸龜製麵 的烏冬，
喜歡那彈牙的口感！
雖然，香港現在有分店了，但總是覺得香港吃的味道不及日本的好吃，
所以，我每次去日本都會吃一餐！
今次竟然踫上有新出推的蜆烏冬，
嘩！超多蜆的！很抵食！
要準備明天一早出發去金沢啦～
待續～～
沒有留言:
張貼留言