7/4/2016 (四）今日名古屋落大雨呀！！
今次的機票是用里數換的，D里數到期要換，但又唔算多，只夠換日本機票 （只係我對台灣興趣不大姐＾_＾! 去過兩次，夠啦～）
日本，我去過N次了，又比朋友話 ：又去日本？返鄉下呀？
屋企人 ： 日本？你咪去左好多次 LAW？仲去？
你知嗎？日本好大的麻～ 我都未玩曬成個日本⋯⋯
名古屋、四國、福岡、熊本⋯⋯ 我好多都未去過～
今次選中了名古屋，是希望趕到睇櫻花 (因為工作關係，我不能早多一星期出發～）
由於未知可否如願見到櫻花，所以今次編行程，我編得好彈性，做了幾手準備，如果不能賞櫻，就會改去第二個景點！
因為某D原因，我2月先去換機票，所以最靚的出發時間無我份啦～
要早去晚返，就只好選要在台灣轉機的班次吧！唉！轉機真是有點浪費時間⋯⋯
8:50起飛，15:40先到名古屋⋯⋯
順利到達了中部國際機場後，
先到機場 2 樓 的 "昇龍道觀光情報館"
BOOK 巴士～
我在準備編提過的，我地今次移動主要用巴士，不是JR
不過，我懶，沒有預早於網上 BOOK ！！
由機場出名古屋市區，最平的應該是搭 名鐵名古屋 了～
870YEN 約 48MIN
今晚的酒店是：（連住三晚，及行程最後一晚)
Super Hotel 名古屋駅前 （平均 9235 yen ，2人，一晚，每晚價錢有些少不同）
有自助早餐，有 Wi-Fi 供應，女性客人仲有禮物收 tim～ 岩晒D貪小便宜的女人仔 －＞ME
早餐雖然是簡單的食材, 但又好味又飽肚!!
如果想收多兩份小禮物，留意啦 ：（全部的 SUPER HOTEL 分店都應該適用！）
－請自備牙刷牙膏，第二朝早，拎返房間裡面無開過的牙刷落去接待處，就會收到小禮物一份～
（是什麼禮物？你試下咪知 law ^^！留返D神秘感比大家啦～）
－連住幾日的朋友，唔需要執房服務的話，有另一份小禮物架～
只需要貼返張不要清潔的貼，於門外就可以～
CHECK IN 後
由於時間晚了(又落大雨)，今日沒有安排景點了～ 在附近走走罷了
其實名古屋車站都好大，好多野行，有地下街，食街，仲有高島屋～
今晚的晚餐，因為太多選擇了，
鰻魚飯、豬排飯、超長炸蝦、雞翅、拉麵街⋯⋯全部都是有名的，好多人推介的～
選擇困難症病發了～
因為老公超愛鰻魚飯，但我不是愛好者⋯⋯
最後決定，買返酒店食！！
外賣－鰻魚飯、豬排飯、仲帶幾件雞翅膀 tim～
一次過滿足晒三個願望！！
三間店都是有名的，好多旅遊書／blogger 都有介紹，想食就自己查下啦 ^^ 唔難搵的～
我唔特別介紹啦，因為⋯⋯
可能個人口味問題，還是外賣問題？
我們都覺得味道唔算好出色⋯⋯
(其實唔難食架！）
可能是我之前期望太高了！
又可能我們有食過比這些更好的吧～（驚喜的地方是：個鰻魚飯外賣盒，幾靚架！我保留左黎做全盒！！）
晚安啦～
明天是賞櫻的好日子，天文台話明天會好天架～
待續～
沒有留言:
張貼留言