追櫻昇龍道 2016 - Day 2 名古屋 Shopping @ 栄

睇完櫻花後, 晚上轉到 栄

這個地方名, 單字一個栄, 是名古屋有名的商圈,

名店, 地下街, 商場...... 品牌的集中地, 是 Shopping  的好地點~

其實我比較喜歡行商店街的~ 所以無預咁多時間行了~

品牌店,  GU、addi、ABC、激安, 這些很多人都有介紹吧~

所以我唔多講啦~ 真係要 Shopping 的, 呢度可以行足一日呀~

留意, 大部份店舖都是營業到 8:00PM 炸!! 在日本做售貨員比香港的幸福得多了~

估唔到連食店都咁早收架!!! 

原本在地下街路過見到 KYK 吉列豬排飯店 (我們常食的, 日本各地都有分店)

但當時, 時間尚早, 打算行完街先去食, 

點知!!!

8 點幾就收左啦......

(結果我在行程最尾果晚, 專程去食返一次~)

等我介紹 D 無咩人提過的商店啦~

其實我都係去到先突然發現的~ （之前沒有特別去查過～）

如果你是 宮崎峻 FANS / JUMP FANS 就留意下啦~

在 綠洲 21 下面的商場, 有專門店架, "橡子共和國" 及 "JUMP SHOP" 兩間都在同一層~

什麼是綠洲 21 ?

認住下面張相啦~ 

在名古屋電視塔附近

呢度是綠洲 21 的頂層~

晚上, 上黎影幾張相到此一遊就夠啦~ 無咩野睇~

我無上電視塔, 因為之前大阪、東京、札幌的都已經上過晒, 都是差不多的~

已經無興趣再睇了........

出發前見到網上有介紹附近一個商場有期間限定的柯南 CAFE,

老公是 柯南 FANS 當然要黎睇睇啦~

見到餐牌並不吸引....

只是看看就走了~

又幾襯WO～ XDD

當晚晚餐，因為想食的已關門⋯⋯
而且已經行到好累了～
是但搵左間拉麵店食就算了～
都好食架！但累到都唔記得左影相～
我經常都話，其實在日本是但一間拉麵小店都好食的，
有時不一定要選有名氣的～

以下的晚餐，是最後一晚返名古屋時，
因為之前食唔到⋯⋯

專程返去 栄站的地下街 食返的！

 就是我喜歡食的 KYK 吉列豬排飯店
佢有多間分店架，其中一間就位於大阪關西機場

非常推介大家去試一下！

（希望我下次再去食的時候，唔會排長龍吧！）

我覺得比起我昨晚食的那間名古屋出名的味噌吉列豬排好吃得多～

（口味的野，個人不同吧～）

這裡的吉列皮薄薄的，唔會同豬排分離，

豬排是厚厚的，炸得剛剛好，口感"林林"的 juicy 的，唔會覺得"鞋"口

食量大的人，就抵食啦～  這裡白飯是任裝的！！
不過，正常女生的食量，不用添飯都已經很飽了！

每晚, 我都喜歡在樓下的便利店買甜品返去試食~
有D 好快食左, 唔記得左影相, 就唔介紹 lu~ (其實多數都好食的!!)

呢個好食呀！！ 我食左兩次 XD

點解日本的 Haagen - Dazs 有咁多期間限定的呢?

為何香港沒有架???   好唔公平呀！！！

日本 7 仔 出的 7仔牌雪糕雪條都好好食架~~

明天去一個特別, 無咩香港人去的地方~~

待續~~~~