追櫻昇龍道 2016 - 準備編

行程

早前受電視節目影響, 加上里數就快到期, 所以選擇了昇龍道的行程。

而且希望可以趕到追櫻, 想盡早出發啦 ~

櫻花期, 怕換唔到機票, 所以草草睇了大約行程就立即訂票了~
去昇龍道大多數人設計的路線都是 : 名古屋 > 高山 > 白川鄉  > 金沢  > 名古屋shopping~

最後幾日先 shopping 唔洗帶住行大大的行李走圍走麻~

點知我買票後才突然發現, 行程最尾3果日(14/4) 竟然剛巧是 ”春之高山祭” !!難得有祭典睇當然想去看看啦~

於是行程因此要反轉行了…..
名古屋3天 > 金沢 3天 (中間一天去加賀溫泉) > 白川鄉半天  > 高山 2天  > 名古屋1天

每次去日本, 我都會豪一天住溫泉酒店的~ 其他日子就住平價酒店平衡返^^

原本打算去有名的下呂溫泉, 但因為反轉行, 加上要就高山祭, 所以唔夠時間去了~

改為去金沢附近的加賀溫泉, 而且發現加賀溫泉, 有一個有好多種手作體驗集一個景點的地方
 ゆのくにの森 http://www.yunokuni.jp/mori/
, 我最愛就是參加手作體驗了!!! 一於去玩下~

白川鄉唔算好大, 一個下午慢慢行都可以行完啦~
白川鄉觀光協會 http://www.yunokuni.jp/mori/
所以我直接一早帶住行李搭車到白川, 留一個下午, 再搭車移動到高山, 不走回頭路~
白川鄉巴士站附近的大行李locker 唔多, 多數好快比人佔用曬架啦~
唔洗怕~

可以寄放在遊客中心, 費用跟 locker 一樣, 都是 600 YEN

這個方向的行程, 我要解決的問題是行李!! 

因為先在名古屋 shopping 完, 要拎住D戰利品走幾個地方呀!!
最後決定, 我地二人帶兩個大”急” (其實每次去日本都係咁的),

今次的戰利品放一個”急”,  而二人必需的隋身行李放另一”急”, 由名古屋去金沢時, 把戰利品”急” 留底在酒店, 最後一日返名古屋住返同一間酒店 (可能未必每間酒店都容許暫存咁多日架! 最好事前問一問~)

只帶一個”急”走埋餘下的行程, 因為高山, 白川鄉, 金沢都是睇風景的地方, 唔會有好多野買的~
（結果其實名古屋都唔算好多野比我買。。。要 出血 的話，下次還是去大板好了。。。）

 BOOK 酒店

第一時間要 BOOK 高山的酒店先, 因為高山祭期間, 一定爆房啦….

因為我是二月先訂票的, 原本心儀的酒店, 已經爆房了…..我心儀果間有好多 Blogger 介紹過, 我唔特別寫啦….人家都無住過…….(怨念..)

真係好多酒店都 full 曬, 選擇已經不多了, 幸好, 都仲 book 到一間在車站對面的, 超方便~ 好彩仲唔算太貴~ (呢D日子房價一定比平時貴的, 這是常識吧~)

跟據多次的旅遊經驗,

我選酒店時, 第一樣睇的, 一定是地點, 一定要近車站, 方便走佬 ^^
留意要是大站, 細站每次回家/出發都要轉車, 好煩 (我試過一次, 當年無咩經驗, 信錯了Agent)

一般只會睇車站5分鐘內步行距離的, 除非附近的太貴, 或者有其他特色的酒店想住啦~

日本的話我一向都係用 jalan book的~ (好多經常去日本的朋友都會用, 我唔多介紹啦~)

名古屋 – Super Hotel 名古屋駅前 （平均 9235 yen ，2人，一晚，每晚價錢有些少不同）
平價的集團式酒店之中我暫時最喜歡Super Hotel （唔算最平），
包早餐 (任食, 簡單的食材, 但好食, 飽肚), 房間乾淨, 女性住客仲有小禮物tim^^
有部份的分店有溫泉tim 架~ 不過呢間無…..
唯一缺點是房間很細, 但我認為不是問題, 日本大部份平價的酒店都係咁細架啦~


金沢 - Via Inn 金沢 （平均 7000 yen， 2人，一晚，每晚價錢不同）
位置超近車站!! 因為入口就在車站內!!

都是平價集團式酒店, 房間乾淨, 唔錯架~
因為平, 所以都係好細間房的~

加賀溫泉 –  ゆのくに天祥 （35640 yen ，2人，一晚）
http://tensyo.yunokuni.jp/spa/

因為見到有私人風呂房優惠!! 所以豪一晚吧~~
包早晚餐，而且有 ゆのくにの森  入場劵送 （540 yen) ~ (唔知是否每種房都有得送架?)

高山 – Country Hotel  (高山祭前一天 6600 yen ，高山祭當晚 9000 yen)

因為高山祭, 所以價錢高左D, 原本都是平價酒店~

超近車站, 只是一條馬路之隔~

最方便一早起身要趕早班車的人!!

交通 

今次行程的主要交通工具是巴士

名古屋 >  金沢 , （4180 yen) 車程 4 小時

金沢 >  白川,  （1850 yen) 車程 1 小時 15分

白川 >  高山, （2470 yen) 車程 50 分鐘
高山 >  名古屋 （2980 yen) 車程 2 小時 30分

四程都是高巴士, 可以網上預約, 或者於到步時, 在名古屋機場的昇龍道遊客中心預訂。

我選擇了到機場遊客中心預訂, 不過諗返都覺得有點冒險^^ 

因為我在櫻花季去, 遊客較多, 無位的機會都幾大~~~ 

幸好順利~~

巴士班次可以在此網址睇到~
濃飛巴士 http://www.nouhibus.co.jp
名鐵高速巴士 http://www.meitetsu-bus.co.jp/express/kanazawa 

我有比較過 JR , 巴士, 的時間及價錢

搭 JR 的話, 價錢貴巴士約一倍 , 但時間卻沒有快一倍...!! 只係快了一點點......

所以大部份遊客都會選擇搭巴士的!

金沢 >  白川 > 高山 , 之間, 只有巴士, 沒有火車~

昇龍道的路線, 有幾種優惠的 PASS 可用的~

但我比較過, 沒有一款適合我的行程使用........

日本人一向都好細心, 好多用品的設計都會由用家角度出發, 方便用家的~

但我一直都唔明, 為何佢地的交通優惠, 好多時都唔人性化.......大多數都唔岩用？？

例如: 好多一天市內任搭 PASS, 只要一日搭3次就抵返, 好似好抵咁~
但又唔係所有車都可以用, 唔同鐵路公司的鐵路又唔用得, 未必可以將一日內的景點都連在同一個交通網絡內...... 跟本一日未必會用到3次.....

又例如 : 昇龍道的3日PASS （7000 yen),  包來回機場的車票, 好似好抵!

但3日要連續使用, 包括來回機場的車票都係 !! 3日內來回名古屋、高山、白川???!!!!
唔好玩啦~ 如果我行程只去3日, 一定唔會選擇去咁遠車程的地方咁趕啦~
我計過啦~  幾程車的總數, 同買PASS 差不多..... ... (好似話用PASS 有一些購物優惠, 但官方網頁查不到是那些商店的優惠.....)
有 5 day pass ， 13500 yen 我認為這個更唔岩我用～

結論都係, 我無張PASS 岩用啦........

(留意昇龍道的 PASS 需要在網上預先購買，到時去機場的指定地點提取，因為是給外國遊客的優惠，所以不能到當地才購買！ 我的行程唔岩用姐，唔代表所有人都唔岩用架，各位自己睇下啦～）

今年的櫻花預報原定是會早開的, 但結果都如期 (同往年差不多時侯) 開花~
所以名古屋同金沢的櫻花, 我都算趕得切, 睇到花吹雪~~~

幸好去到高山, 櫻花剛好滿開了 !!

待續～～