8 / 4 / 2016 (五）陰天
呢幾日，我 keep 住每日睇櫻花的開花情報～
名古屋市內的櫻花，都已經過左滿開的日子了⋯⋯正在吹雪啦～
加上，昨天落左一整天雨⋯⋯唉⋯⋯
之前搜集了很多賞櫻名所的資料:
鶴舞公園, 岡崎城, 五條川, .......
可惜這些都已經去到吹雪的地步了........
賞櫻夢, 泡湯了 T_T!!
一早做好功課預備的我, 發現了一個最後的賞櫻地點!
好彩仲有一個, 是適合我現在去的, 原因是呢度的櫻花會比較遲開~
我不是專家，我識的只是兩個品種：吉野櫻、枝垂櫻 （都只是出發前才學識的XD）
吉野櫻 － 就是我們比較常見的櫻花品種，日本的開花預測都是指這個品種的開花時間。
枝垂櫻 － 樹枝好似楊柳一樣，向下垂的，顏色比吉野櫻粉紅一點，花瓣形態有點不同，＊＊重點是，開花的時間比吉野櫻遲一點點！！
名古屋，就剛好有一個種左好多枝垂櫻的地方！！
今日剛好是滿開 （滿開左好幾天啦～）
順道提一下，日本的櫻花預測，"開花日"是指開始有花開，"滿開"才是指全部花開晒哦～
一般"開花日" 一星期後會 "滿開"，滿開約維持一星期，之後就是櫻吹雪，櫻吹雪即是落花了，直到花瓣落晒就無野睇架啦～
好啦, 唔賣關子啦~
好啦, 唔賣關子啦~
我今日去的地方 :
呢個地方唔算太難去架~
不過, 就要一點腳骨力啦XD！
除非你是自駕遊 / 有錢搭的士吧!
抱歉, 小妹兩人都唔識駕駛........
又要是窮遊人, 在日本搭的士!!! 我一定唔會啦~
由最近的車站 － JR高藏寺站，行去東谷山水果園約 25MIN
直路, 唔算難行的~
有偉大的 Google Map 大神, 真係唔洗再怕會迷路~
東谷山水果公園
是一個種左好多果樹的地方, 夏天有摘水果體驗的~
基本上是免費入場的, 除左溫室地帶~
春天可以去賞花
呢度種了很多枝垂櫻, 也是名古屋的賞櫻熱點!!
但對於香港人, 可能就有點陌生吧~
我在搵資料的時侯, 唔多人介紹過呢個地方~
所以, 今次去都係博博下 ja ~~~
這是入口附近的位置
呢度的花剛好滿開呀~ 好開心!!!
不過可能昨天落完雨, 今日都有櫻吹雪睇啦~
一陣大風吹來～～花瓣飄飄的～～太美了！！
枝垂的優點是可以好容易近拍!!
因為佢平易近人, 加上美美的粉紅色，所以我己愛上佢了!!
呢度唔算太多遊客, 可以靜靜地在櫻花樹下野餐~
(希望經我介紹之下, 唔會招來太多人來打擾這處的寧靜吧!)
(我都唔算好大人氣, 應該都唔會掛!)
都係果句啦, 請大家參觀時,
注意自己的聲浪~~唔好打擾其他遊人~
自己的垃圾, 請自己帶走!!
要有公德心呀!!
好靚的, 唔知咩花 ^^
這棵比較白色的, 應該不是枝垂櫻, 你是吉野櫻嗎?
這個才是枝垂櫻的真面目^^
花色較粉紅，花瓣有點皺皺的～
我不知它是否櫻花？？ 有無綠色的櫻花架？
葉子、花瓣的形狀跟櫻花的是一樣的～
散落一地的粉紅色^^
黎到水果園，當然要食水果啦～
但我覺得D水果唔係出自呢度的？？ 我都見唔到有呢D果樹！？
（可能在溫室掛？？）
超大隻的燴番薯
又香又甜又好吃！！！
要排隊買架！！
見到咁多人排隊，一定是好野啦～
仲要每人限買2個架！！
真係超甜，甜到好似用糖水浸過咁！！
好彩只係買左一個 ja ～ 兩個人都食唔曬呀！！
下午，轉到另一個賞櫻名所 － 五条川
原因只是見過網上一張好靚的相～
希望可以親眼望一次啦～
要到五条川 只需搭名鐵，到岩倉站，一出站就會有指示教你行～
五条川好長架！！
河的兩旁種滿櫻花
我當然沒有行晒啦～ 只是行了一小段就走了⋯⋯
一來，沿路的風景應該差不多，不用走得太遠吧～
二來，時間唔岩，花已落了⋯⋯
賞花的期間，河的兩旁都有祭典，
路上都放滿小食攤位，及攤位遊戲
你知道這是什麼嗎？
你相信是棉花糖嗎？
就是這個景色！
如果是滿開的話，全部都是粉紅色的，應該是很美的！
可惜，今天，花都落了一大半了，又開始出葉子，還要多了一點點綠色⋯⋯
昨天又落雨，河面的花瓣都沖走了⋯⋯
有點失望了～
幸好今早看過了美美的櫻花！！
晚上轉到 榮站 Shopping！！
待續～～
沒有留言:
張貼留言