今日住的酒店沒有早餐供應,
所以, 一大早, 我地就出去搵好野食啦~
金沢出名多好野食的地方, 當然是近江町市場吧 !!
必到景點之一啦~
由車站(我們的酒店正正在車站上面) 步行 >> 近江町市場
只需 15分鐘, 當晨運吧~ 做完運動一陣可以食多D ^^
一踏出車站~~~~呼~~~~好凍呀~~~~
今日只有2 、 3度.........
我地要把帶來的衫都著曬上身才叫做夠暖.....
主要是因為大風, 超大風.... 所以感覺更凍......
呢一刻就有一點點後恢無帶大羽絨啦...... (但如果我真係著件大羽絨, 一定比當地人笑.....)
急步行去近江町市場, 咁樣, 身體會暖D !!!
如果跟大阪的黑門市場大阪比較, 近江町市場的面積應該只有一半...
近江町市場比較細, 好快行完了~~
這裡有三層的，這是由二樓影的～
二樓是幾間餐廳，一樓（地下）是市場，
地庫有幾間商店
我不知道是否因為遊客太多的關係, 而令到當地人開始覺得煩躁?!!
還是中部的日本人比較無咁熱情??!!
呢度的檔主, 反應都比較冷淡..... (好似返左香港咁....)
幾次買野的經驗都是, 我指左我要的野 > 檔主比左我要的野比我 > 收錢 > 完了.....
全程可以沒有言語交流, 眼神交流都唔多感覺到.....
(重申, 我很有禮貌的, 有說唔該、謝謝 (日文) )
去過日本的朋友, 都知道買野的時侯, 店員都會唔理你聽唔聽得明地, 講好多句我聽唔明的野~~
仲有講幾十次多謝的!
而家無同我講, 反而有點唔習慣.......
我食了一隻我最愛的帆立貝 及 海膽
呢度好多檔都是已經預先開好了的, 不是即開即食!?
可能是這個原因, 我覺得無咁好食.....(我是跟以前在北海道食過的做比較^^)
如果同香港比, 那就當然一定是日本的好食啦~
之前已經心儀了一間魚生飯店
我唔記得左店名啦～
但很易找的，因為二樓的餐廳只有幾間，放心！！ 你一定會找到的～～
留意的是餐廳都是開 11:00AM ，準時去到，都應該有位的，
太晚去，就可能要等位啦～ 這裡的坐位不算很多⋯⋯
美味^ ^
食完美味的午飯後，出發去加賀溫泉～
今晚會在溫泉酒店過一晚，明晚再回來金沢，所以大行李可以寄放於酒店，明晚再相認XD
只需帶個小背包，就可以輕輕便便去享受一晚溫泉了～
由金沢 搭JR ＞ 加賀溫泉站，約一小時
預約了3:00PM 的酒店免費送迎車
今晚的溫泉酒店是: ゆのくに天祥
http://tensyo.yunokuni.jp/spa/（35640 yen ，2人，一晚）
選呢間的主要原因, 我在準備編有提過~
因為見到有私人風呂房優惠!! 所以豪一晚吧~~
包早晚餐，而且有 ゆのくにの森 入場劵送 （540 yen) ~ (唔知是否每種房都有得送架?)
選呢間的主要原因, 我在準備編有提過~
因為見到有私人風呂房優惠!! 所以豪一晚吧~~
包早晚餐，而且有 ゆのくにの森 入場劵送 （540 yen) ~ (唔知是否每種房都有得送架?)
我地今晚間房^^
是洋室......
如果有得選擇, 我一定會選住和室的~~（可惜今晚無⋯⋯）
我還是比較喜歡 "他他咪" 和式的感覺..
私家露天風呂^^
泉水會自動恆溫的！！
我冒住會凍死的風險影呢張相架!!! (現時室外氣溫4度.....)
和式的浴室
客房的大門
門鎖的設計是為輪椅人士設計的，位置所以很底的！
酒店提供的免費試食及活動
自己整溫泉蛋^^
我最愛吃溫泉蛋的！！
全自助的～
先在蛋上畫個公仔，
再用個網袋包住，
放入專用的溫泉水池內，等約30分鐘
食得！！
開腦手術很成功，但病人死左XDD
我以為只有香港的文化，會叫大便做 "金"
原來日本都有同樣的文化！？
今晚的晚餐
我很喜歡住日式的溫泉旅館，其中一個原因就是那些精緻的晚餐！
我很喜歡住日式的溫泉旅館，其中一個原因就是那些精緻的晚餐！
喜歡這類一細碟一細碟的，多於自助式的晚餐～
唔好睇小樣樣都咁細碟，食下食下，唔覺唔覺，原來都幾飽的！！
講到煲湯，還是中國人煲湯的功力好D
呢個唔係湯！？！
佢係好似燉牛肉之類的東西，我都唔係好識形容係咩黎⋯⋯
但食到佢的時候，我已經好飽了～～
好食的甜品！
飽到上心口呀！！！晚上返房，浸私家溫泉又浸過飽的XDD
仲可以買幾枝飲品，放在溫泉水上浮下浮下 （我在浴室內找到個木桶呀！）
一邊浸，一邊飲～（我唔飲酒架，只是保X力而已XDD）
睇日本卡通睇得太多了～終於可以一試XDD
（其實我想試好耐了^^，可是平時都是去大浴池，唔可以試⋯⋯）
第二朝的早餐
也是非常豐富的！
一早起身就飲蟹湯！？ 我OK架^^
食飽飽就出發去另一個景點了～
待續～～～
沒有留言:
張貼留言