2013 重遊北海道雪祭之旅 - "Peach 樂桃航空" 乘搭體驗篇 + 機場攻略

人生第一次搭廉價航空~~
感覺不錯, 下次都會再搭佢!!
同大家分享下今次的體驗啦~~

訂票 : 網頁上的資料非常清楚明白, 訂票系統簡單易用~Good!

出發:

每天只有一班機來回香港 - 大阪, 零晨機出發, 晚機返, 一d都唔會浪費時間, Good!

(2014年更新 -- 好似增加左航班啦 !! 自己上網check 下啦~)

機場 check in 要在T2 第二航廈, 唔好去錯 T1 呀!! 

呢間公司, 香港應該沒有office, 沒有專用的櫃台, 夠鐘才會有人推個牌出黎做野, 

check in 櫃台的工作人員應該是另一間公司的, 因為沒有著 peach 的制服, 但沒有所謂啦~不是問題~

要預早d check in, 因為check in 完, 入閘後, 要走返去 T1 的閘口!!??

零晨機, 機場d商店關晒, 無野行, 不過要記得買野食上機, 因為沒有飛機餐供應的, 

記得買野飲, 或者自己hand carry 個水壺, 入到禁區後裝水 !!! (飛機上面好乾的!)
(放心 無水的水壺是可以帶入禁區的, 香港機場禁區內有飲水機 <-- 不是所有地方的機場都有.....)

唔記得買的話, 都唔洗驚~~~ 機上面有食物、飲品賣, 價錢自己上網睇啦, peach 公司網頁有餐牌睇~~~

第一程機 ------- 香港 --> 大阪關西機場

上機啦~

工作人員先請 A位 及 F位 的乘客先上機,

呢個時候, 我就聽到有個女人很不滿地自言自語..... 可能在問佢老公掛:

"點解佢地可以上機先架 !!!!" 語氣不友善......

不過~~ 我都有同樣的問題在腦海中, 只不過是一個疑問, 並沒有不滿成份 <----上到機就明白了~

而我另一個疑問是 --- 我 "3F" 位 , 老公 "3E" 位, 咁我地係咪要分開上機???

結果當然是一齊啦 ^_^!

上到機就明白了~

機位是 3個 3個, 分左右兩排的

A位 及 F位 是窗口位, 咁你明白未?

一個很細心的安排 --- 先讓坐最入面的乘客上機, 就減少左大家阻住條路啦! 值得一讚! 

在不可以選位的情況下, 我們竟然可以一齊坐, 仲有窗口位tim  ^^ lucky ^^ 

老公: ......咁開心做咩? 零晨機, 個天黑麻麻, 都無風景睇....(﹁ _ ﹁ !!)
我: 咩呀.........我賺左啦........ 窗口位貴d架 XD

坐最前的第三行,
生平只係坐過經濟客位的我, 未試過坐咁前排~~~~
有點興奮XD

peach 航空公司 開左不是好耐, 所以架機好新~~
仲有好多我最喜歡的粉紅色 , 機身都是粉紅色, 空中小姐的制服都是粉紅色
佢地用的 note pad, 計數機 都是粉紅色

今晚班機好似 full 曬, 唔多見有空位 !!
( 其實, 我搭4 程, 轉機 + 來回, 都差唔多是 滿機的 !! )

起飛前，仲可以睇到空姐的真人示範的安全指引
（而家多數都係睇電視，無真人示範架啦～）
真人示範，特別有心機睇，每一程都有睇 ^_^!

架機都幾細, d位有少少迫, 但我兩身形咁 fit 無問題 !! 不過老公腳長就爭d 啦~~

座椅有按摩服務 !!!!???? 
我感受到我個背脊間中就有坐按摩椅的感覺 XD

( 大家搭巴士的時候試過嗎?  後面對腳可以整到你感受到背脊位有突起來 "篤篤" 下的感覺...... 情況是一樣的.....)我諗坐我後面位小姐, 對腳都應該幾長.........
相信坐我老公前面的人兄, 都會有 "按摩" 享受 

唔緊要啦, 你搭緊廉航ja, 唔好咁高要求!!!

我諗住, 零晨機, 上到機就會訓啦.....所以只係買左包朱古力...結果......
唔係太好瞓.......
有點肚餓......唔想將座椅整得太後, 體諒下後面位長腳小姐啦~ 

前面兩個  "鬼佬" 通霄傾計.......
建議自備耳筒~~~

整個飛行過程架機都好定, 感覺良好!!
只係到大阪前 (來回都係), 後來從大阪出發都係,
架機可能要轉幾個彎???
左右搖擺左好幾次, 有點頭暈......

到左大阪啦~~~
咦 !!! 你望下個窗!!!
 

( hehe~ 插左張相入黎先諗起，呢張相是, 上第二程機的時候影的，落機的時候是零晨 5點幾，個天又點會咁光呢!!?? )

落雨!!!!
點解我咁驚呢~~因為之前有 blog 友提過, peach 機到大阪機場, 乘客係要落地行架!!
沒有連接管道比你行.......

好彩~~
機場的人員都好細心的, 一落機, 樓梯下面就準備左雨傘比大家
入到機場, 放返在回收處就ok架啦~

不過~
留意, 外面溫度是 0 度...!!!
機場無外套比你架~~
所以, 記得帶件外套上機 ( 如果你同我一樣都是冬天去的話)

可能大家對這樣的上落機方法, 感到好新鮮, 好想在地上同飛機近距離拍照留念！
不過, 點解我無拍呢?
想感受下比人用日文鬧的話, 你就試下啦~
我當然無試啦~~~ (我見到有人比人鬧左啦  )
因為安全理由, 工作人員唔會比你在路上停下來的, 一見你停係度影相, 就會有人飛跑過黎鬧你 !!! hahaha!!!


到左大阪後，無論你是否要轉機都好，都係要到行李帶領返件行李先的，PEACH 是沒有幫你將行李送上下一班機的服務的！（公司網頁有寫的～）
即是，領完行李之後，要自已再去 check in 下一班機, 再寄多次行李~

由於我怕當中會任何有 delay , 又唔知個 T2 有幾大, 怕 miss 左班機 (佢公司寫左唔會負責的!! )
所以我無訂最早去札幌班機(7:00am)，我訂左後一班(10:10am)，
結果.......
非常準時........過入境海關又快又順利~~~
我地係個無野行的機場等。等。等。等。
由 6點等到 9 點才可以 check in ........ (上機前90分鐘才可以開始 check in, 太早是check in 唔到的.... )


在日本peach 的 check in 手續是自助式的, 都好簡單易用, 記住唔好摺皺左個 bar code 就 ok, 最好save 多個在電話入面!
張登機証, 只是一張熱感紙, 有點兒戲......

同大家介紹下大阪的機場吧！
PEACH 位於大阪關西機場的 T2 (第二航廈), 原來成個 T2 就只有 PEACH 一間航空公司！
PEACH 專有的航廈！！ 好強呢 ！！

可是，T2 是一個很荒無的地方.......
只有 10 隻手指數得完的商店加食市.......
如果要買野、食野的話，請去 T1 吧 ～～
去 T1 要搭接駁巴士，當然是免費的啦～
留意，車程都要幾分鐘架！未計等車,
所以由 T1 去 T2 , 最好預 10 ﹣15 分鐘時間～

由於我地一大朝早，人新路不熟，又好肚餓～～
只好去便利店買個飯團做早餐啦～ （T2 有便利店一間）
之後就等到夠鐘～～


第二程機 ------- 大阪關西機場 --> 新千歲機場

自助 Check in 完, 要去櫃台做寄倉行李手續~~

日本人 check 野真係 好認真 !!
入閘前, 要過機的時候, 我老公比人 "dou" 左好n 咁多次 hahahaha
又要脫鞋、又要脫皮帶........成身d野都脫晒出黎咁滯.....hahaha~~~
我老公全身都是金屬???

入到國內線候機室, 裡面好細, 應該最多只可以容納兩班機的乘客

入面只有一間食店, 一間商店,
有飲水機,
有幾部電腦及差電設施~ (差電位不是太多, 手快有手慢無~~)


上機, 同落機一樣的, 都係要走出 "馬路"
出面好凍, 所以外套記得跟身~~

呢程機, 我地一個坐 A 位, 一個 F位, 分開左坐.....
不過, 大家都有窗口位坐
老公: 自從識左你之後, 我都無坐過窗口位啦~~ 今次是第一次
我 : ............(無言左一陣) 又賺左啦! 窗口位貴d 架!!!

點解我地會有窗口位呢? 唔比我地坐埋一齊?
我估.........(以下純粹個人推測)
因為呢程機多一 pair pair 的人, 又有比$ 選位一齊座, 但沒有加$ 選坐窗口,
所以窗口就成為左單丁位了~~~
我地呢d, 無比$ 選位的, 當然比單丁位我地啦~~~

順利去到札幌機場~~~
由於是搭國內線, 所以唔需要再做入境手續, 認返件行李就走得了~~

其實如果你有時間的話, 可以先在機場行下, 睇下有咩賣,
機場有得賣的野, 就留返回程, 返機場先買~
唔洗拎住d野, 拎足全程......


幾日後.........
第三程機 ------- 新千歲機場 --> 大阪關西機場

新千歲機場裡面好鬼死大架!!!!! (其實我之前黎過一次 ^ ^ )
所以走的時候, 最好預早兩個鐘左右或者多d 都ok , 機場好多野行 ~~~ yeah shopping !!!
未入禁區都有好多野賣~ 主要都是手信店吧~

不過由於我地今次是搭國內線去大阪, 是不會行到新千歲機場的禁區的!!!!!!
我上次黎北海道的時候, 是直航機來回的, 所以知道禁區裡面都好多野行好多野買!!!!

如果你是國際線搭直航機回港的話, 留意啦!
一d 出晒名的手信,
 例如: 白之戀人、六花亭士多啤利朱古力、北海道限定的卡通公仔電話繩等 (呢d 全部都是公價的, 間間賣都是一樣價錢)
是不需要急住在旅程中途買的,
唔急的話, 可以留返係機場禁區買~~~
因為禁區內是免稅的!!!! 會平dd架 !!!
除了六花亭好出名的士多啤利朱古力之外, 其他六花亭的產品, 機場是沒有的, 如果經過六花亭總店就要買啦~

搭國內線的留意:
入左閘之後是無野行的, 得幾間好似便利店的東西,
所以有咩要買, 包括便當!!
入閘前要買晒佢啦~

Check in 方法同上面一樣~

除左買手信, 當然要準備我地的飛機餐啦~
日本的機場真係好, 有便當店, 買便當非常方便
下面是我地的豪華飛機餐, 我最愛的魚生飯!!! yummy 
記得飲品是不能入閘的 !!
飲品要入左閘先買!!
候機室沒有差電位, 飲水機.......( 可能是我找不到吧.....)

呢程機, 我地可以一齊坐, 無窗口位, 不過就認識左坐窗口的一位叔叔,
他是大阪人, 是做攝影的, 所以見佢係窗口不停拍攝~
呢個叔叔, 好友善,
我地仲比佢老點左tim.....
這個被老點的故事, 我會在下一篇同大家分享~~~

到達後, 要去返 T1 搭車出市區, (因為我地會係大阪停兩日先走!!)

如果你只係轉機的話, 而又有時間多的話, 都可以去 T1 行下先~~~
留意: 去 T1 要搭接駁巴士，當然是免費的啦～
車程都要幾分鐘架！未計等車,
所以由 T1 去 T2 , 最好預 10 ﹣15 分鐘時間～


兩日後.........
第四程機 ------- 大阪關西機場 --> 香港

介紹下大阪的關西機場 T1 吧~
T1 是去 T2 必經的, 不防在 T1 行完先再去 T2 (搭peach 的話, 要去 T2)
T1 唔算好大, 好快行完, 無新千歲場咁多野睇.....
有藥店, 不過, 最平是係心齋橋的藥店買~

不過, 重點是, 我地要準備我地的飛機餐,
T2 只得一間食店, 所以記得係T1要買啦~

下面是我地的便當, 不過在機上面唔記得左影相.....
當時, 由於行李太多, 老公係一樓睇住d行李, 我就上二樓探路, 見到有岩食的, 就影底比佢睇, 我再上去買~~

老公食左 500 yen 的豬扒便當, 又抵又好食, 塊豬扒是厚厚的
缺點是上到機, 已經凍晒.........(原本是新鮮整起, 熱呼呼的......)

我食左1000 yen 的 海鮮魚生飯, 看似有點貴, 不過非常足料, 魚生大大塊, 飽飽的 


今次返香港班機都好full, 排隊 check in 排左好耐....
個自助 check in 機唔知點解用唔到??

每個香港人都帶住大包大包的, 滿載而歸~
到我地 check in 的時候, 驚喜的事情, 就發生了~

我地今次有兩件寄倉行李, 兩個 hand carry (去程只有一個寄倉, 一個 hand carry)
可想而知, 我地買左幾多野
第一個寄倉的大 "喼" 18.9kg - ok
第二個寄倉的, 是我老公劍道用的竹劍, 太長, 不可以hand carry 的, 只有 2kg - ok
其中一個 hand carry 行李, 一個細 "喼", 11.8 kg, 超重 tim !!!!
工作人員立即拎左我個 細 "喼"去 照 x - ray, 仲貼埋封條 tim !!!!! 我好驚!!!
因為寄多個 "喼" 要加 $320 架 !!!!
我個樣好緊張咁........ 於是, 工作人員同我講,

工作人員: (日文 + 英文) 由於今晚班機有太多乘客hand carry , 怕機上沒有位置擺放, 所以這個要幫你寄倉! No charge!! Is it OK?我 , 老公 : No charge !!! OK, OK!!!!
唔洗 $ 我地當然無問題啦~~~

我估, 係因為我比左$ 果件寄倉行李咁輕, 得 2kg, 所以佢先免費幫我寄埋個 細 "喼"

入閘後, T2 禁區裡面只有兩間商店, 一間賣手信, 一間賣化妝品,
兩間都唔大, 商品比較少......
所以, 搭 peach 的代價是無咁多免稅店行........
( 我三年前去過大阪 T1 的禁區, 商店是較多的...... 可以買免稅的手信.....)

不過 check in 的時候都花左好多時間, 入到禁區都有d 趕, 無咩時間行.....提多次 : 記得飲品是不能入閘的 !!
飲品要入左閘先買!!
大阪國際線 T2 候機室沒有差電位, 飲水機.......( 可能是我找不到吧.....)
提多次 : 上機, 係要走出 "馬路" 的
出面好凍, 所以外套記得跟身~~(如果你是冬天出發的話)


上到機, 原來d行李架都真係好 full wo ~~~
空姐們都要好努力咁, 將d行李迫來迫去, 才關到門~

今次我地除左賺在個寄倉行李之外, 仲有逃生出口的座位!!
呢兩行位都係貴d 架!!
因為會比其他位闊d,

感受過了, 真係闊好多架, 對於腳長的人, 會舒適好多
留意, 原來逃生出口的座位是不可以放行李於腳底的, 一定要放上行李架~ (未坐過都唔知 tim)
細的包包也可以放在大脾上的~

起飛~~~

最後, 順利回到香港~~


回到香港, 拎行李時發現原本有4個轆的大行李 "喼", 得返3個轆 !!!!!
個 "喼"重要是新的.......

點算!!!!
因為去咁多次旅行, 都未試過比人整爛個行李........唔知要點處理......可能是太晚了, 落機時又剛剛瞓醒, 大家都很睏, 神智不清.......
於是兩個人傻傻的走左去搭的士走.......(因為個大"喼"拉唔到.....)

第二朝起身, 清醒啦~
問返個保險經紀, 原來保險, 行李 "喼"爛左, 是有得保的.....
不過要機場或航空公司的証明............我沒有即時申報, 點算......
所以, 提提大家, 如果發現行李爛左, 要即時向機場或航空公司攞証明~

我後來致電比 peach, 佢地比左個 email address  我, 叫我send 張相去問返公司,
佢公司話會出返張証明比我 claim 保險~
最後, 成功向保險公司 claim 到 $ ^^


下一篇 - 機上認識新朋友, 被老點的故事~

待續~~~~~~