2013 重遊北海道雪祭之旅 - Day 2 小樽雪燈之路 @ 札幌時計台hotel

16/2 day 2

今日全日都大風雪......
支笏湖的酒店車, 送到我地去 札幌的 JR 站
已經是下午12點幾了~

札幌, 我五年前已經黎過一次, 所以今次沒有打算停留, 只係到此一睡就走了~
呢個地方, 跟五年前, 有些少轉變 ^ ^
上次黎的時候,
JR札幌駅 的地下街正在興建中, 所以附近路面有很多修路工程~(有點似現在的土瓜灣沙中線工程)
今次到訪,
地下街已經起好了, 非常好行 (因為路面落緊大雪的時候, 拉住個 "喼" 都咪話唔辛苦.....)

由JR札幌駅 去 時計台hotel , 現在不用在路面行,
在地下街直行去到適當的街口, 行返上路面轉個灣就到 !! 非常方便!

一到酒店, 放下行李, 就立即起行~~

今日的目的地是小樽,
即日來回, 因為方便明日一早搭 JR 去旭川

由札幌 搭 JR 去小樽, 只需約 30分鐘車程~
車費 : 620yen 一位



到左小樽, 第一件事, 醫肚先~

午餐最好的地方, 當然是去三角市場啦~
小樽是沿海地區, 所以在這裡吃到的海鮮都是非常新鮮的~
好掛住d 魚生飯呀!!
三角市場的位置 : 一行出小樽 JR 站 望向左手邊就會見到, 行幾步就到~

北海道的魚生, 香港真係食唔到~~

我最掛念的就是 : 海膽、凡立貝

我平時是不吃海膽的, 因為在香港吃到的, 都總是覺得有點腥味....但食過一次北海道的海膽, 就改觀了, 非常鮮甜, 沒有腥味~

北海道的凡立貝也是香港吃不到的, 即開即食, 非常新鮮, 味道鮮甜, 而且肥大肉厚
價錢也不貴, 200 -300 yen 就有一隻, 原隻即開,  d肉有我一隻手掌咁大~~ (唔計手指!)

你睇!!! 魚生飯上面的魚生是滿滿的 !!! 魚生又厚又大塊 !!! 好滿足啊 ~~~~~仲有, 平時在香港食三文魚子是腥的, 所以我很怕食~
這裡的, 完全唔腥, 只是有點咸, 所以用來伴飯真是一流, 豉油都可以唔洗落, 味道更鮮~~
我食細碗, 老公食大碗,
女生食細碗的都好飽了~

比張餐牌你睇下~

其實價錢唔算得上平宜,
不過, 在香港, 相同的價錢, 又買唔到這個質數的魚生飯呢~
所以, 個人覺得是抵食的~

 hehehe ~ 我好似做緊飲食節目咁tim~

食飽飽, 就去行下我最喜歡的哪條街^^街名我唔記得, 不過是遊客必行的地方,成條街都是古建築, 而呢d 活化古蹟的商店, 售賣的都是手工藝品~主要都是玻璃, 小樽的玻璃工藝非常出名~

5年前黎的時候, 我已經玩過一天的體驗課程, 吹左一隻玻璃杯 同埋 燒左兩粒玻璃珠仔
兩粒玻璃珠仔串成的鏈, 我現在都仲有帶~

不過, 隻玻璃杯, 就收埋左, 無用到lu......因為有一次用黎盛熱水的時候, 佢竟然裂左.........好心痛呀~~

後來, 我在香港跟老師學 lamp work 玻璃的時候, 老師話比我知, 小樽整的玻璃唔受得熱架........所以, 溫馨提示啦:在小樽買玻璃杯的時候, 記得問下店員, 玻璃杯可否盛熱水!!

除左玻璃之外, 音樂盒都是非常出名的,而我帶返黎賣的音樂盒, 就是在這裡買的~

小樽仲有六花亭、北菓樓 等等, 幾間零食界的名店~

有好多產品, 都是總店才會買到, 不要錯過呀~機場等的分銷商, 只會有最出名的產品~如果唔打算買的, 都可以入去走走, 因為入面有好多野試食架~ (比你發現左我好為食tim)

  

一路上的商店門外, 都會見到用雪做成的公仔, 是北海道冬天特有的景色~

天黑啦~係時候去雪燈之路的會場主要的會場有兩個:- 運河傍邊- 舊手宮線

我地先去運河會場, 再去舊手宮線會場

 睇左四個雪祭, 最喜歡的還是小樽的~

滿街都是用冰做的燈罩, 加上燭光, 真是很美, 很浪漫~

參觀人數也是最多的, 現場人山人海~ (更有不少是香港人~耳邊經常傳來廣東話!! )

主辦的單位的管理做得最好的~現場有很多工作人員, 如果見到有蠟燭熄左, 即時就有人點返~

運河傍邊的會場

現場很多很多人呢~

其實, 我都仲唔係好明, 何解用冰雪做的燈唔會溶的呢? 

裡面的是蠟燭, 不是燈泡!!!

這個雪人心口有兩點光, 真是~~

不過, 我地今日的運氣就不是太好....今日全日都大風雪, 好凍呀~

(有睇我上一篇的朋友, 應該知道我昨天整爛左件羽絨條拉鏈.......
在d 雪打橫 "飄" 埋黎的情況下, 件羽絨唔可以拉埋條拉鏈........呢個苦況, 你可以想像得到嗎??)

加上今天長時間在雪地上行走, 所以感覺比昨天辛苦....

現場雖然很美, 不過我地都沒有停留太耐, 面部 同 腳指 都開始凍到沒有感覺了....... 

小樽的商店, 很早就會關門, 晚上7點左右, 差不多所有店都關了....大部份的食店都會比較早收~所以, 我地決定返到札幌才吃晚飯, 可以有多一點選擇~也可以先返酒店放底 d 戰利品先 (好重.....)

札幌的選擇就多了, 很多食店都會開到零晨~現在的札幌, 明顯比我們 5年前到訪的時候熱鬧得多,晚上 11:00 街上仍然是很多人的~ 好似出左旺角咁~

現在的地下街也非常方便, 由JR 車站步行去拉麵橫町 (都有一點距離的)也不用行上地面, 外面再大風雪也不怕了~到了 拉麵橫町 的街口, 行返上地面, 轉個彎就到了!!

又去返我地上次食過的 "白樺山莊"
店舖很細, 每次只容納到 6 - 7 位食客
好彩, 我地去到剛剛好有位~食完之後外面已排長龍~~~ (11:00pm 都仲有咁多人!!)黎呢度食的, 大多都是日本人"日語大放送"都有介紹過呢間店架~

呢間店的其中一個特點是:
雞蛋是免費任食的!!!

小店一間, 裡面沒有中文餐牌.....不過選擇不多,  只有幾款麵~
所以, 唔識日文的, 是但亂點一個都唔怕啦~
我對 拉麵沒有特別要求的, 不過, 日本食到的拉麵一定比 "味 x" 的拉麵好吃得多~

介紹下我地今晚的酒店吧~但並不推介大家住呢間......


時計台hotel

其實 5年前, 我地都住過呢間酒店, 感覺都不算太好 (我覺得叫賓館比較適合)只係見佢比較近 JR (方便明日一早趕車! ),價錢差不多是全區最平的, 5000 yen 二人一晚 (沒有早餐) ( 住了幾晚貴酒店, 要住返d 平的, 平衡一下旅費~)

  (由於昨晚間溫泉酒店太好了, 同今日相比........有天堂與地獄的感覺.........)

缺點:

 - 酒店的大堂在一樓, 是要上一層樓梯的,    如果你的行李很多很重的話, 請留意~

  - 房間很舊, 而且細 (其實日本很多平的酒店, 房間都是很細很細的, 我都習慣了~)

  - 沖涼的花灑, 水力很低, 水溫非常之難調校, 而且沖涼時會三溫暖(時冷時熱)........     如果你不能接受沖凍水涼的話, 真係要認真考慮!!!

 至於潔淨度方面, 應該是ok的 (日本人在衛生方面是信得過的~)我未試過住日本的酒店會有蟲蟲, 或者不清潔的~只係地毯方面, 可能樣子比較舊, 就覺得唔太乾淨~ (我向來都不喜歡地毯的)

早d瞓~
明天一早出發去旭川動物園!!

待續.........