Art Square: 2013 重遊北海道雪祭之旅 - Day 4 阿寒湖冬華美 @ 阿寒湖久之里鶴雅

18/2 Day 4

今日天氣都ok, 有落雪, 不過唔算大

係層雲閣 搭左差唔多兩個鐘頭的巴士去到北見 JR 站

北見 JR 站
是一個很細的站, 附近沒有什麼好行的.....
點解我要黎呢度呢???
因為要連接 鶴雅溫泉旅館 的免費送迎 ~

鶴雅的車 2:30pm 才會黎接我地, (現時大約是 12:00pm)
仲有一點時間, 周圍去望下有無地方去啦~

出發之前有聽聞過一個地方 - 北見狐狸牧場 / 狐狸村

是一個很多台灣的旅行團會去的景點,
本來想去睇下的,
經過在網上的一翻搜查後, 決定放棄了.....
原因一 : 沒有公共交通工具到達.......
只可以自駕去, 或者搭的士 (日本的士超貴的....唔敢搭...)
(其實當日, 架巴士是有經過門口的, 路過時我見到個牌~ 跟JR站的確有相當的距離....)

原因二 :
搜查的資料所得, 這是個飼養了很多頭狐狸的地方,
狐狸可以四處自由走動, 而遊客可以直接同狐狸玩 (呢樣好吸引我

)
不過......
見到呢個地方, 原來是有狐狸皮毛的製品售賣.....
令我立即聯想到, 牧場的主要用途........

剛才同遊客玩的可愛狐狸將會面對什麼的下場..........我不敢想像了....

(狐狸毛不同羊毛, 不是在狐狸身上剪出來的, 而是......)
好可怕

...........即時失去了興趣......

P.S. 我沒有真正到訪過北見狐狸牧場這個地方,
如果有去過的朋友發現, 我對呢個地方, 有所誤解的話, 請更正我! 謝謝!

北見 JR 站沒有 600yen 的大 locker,
我地只好, 用500yen 的locker, 放低一個大 "喼",
個細 "喼"就跟住行~

北見呢個地方, 沒有什麼食市.....
食市或商店, 大多都是在晚間營業的!!!??

在information centre 找到的食店資料大部份都是在下午5:00後才開始營業...
難怪我們見到街上如此冷清~~~~~~
幸好見到 MOS Burger, 午餐就這樣解決了~

夠鐘, 就去返指定的地方, 等鶴雅架車
之前都有blogger 提過, 鶴雅的送迎車即是阿寒湖巴士,
應該是對的~
車身上是寫住阿寒湖巴士的~
司機叔叔有酒店的預約紀錄, 上車時問返司機叔叔就可以~

車程要 2個多小時~

介紹一下阿寒湖吧~
交通:
呢個地方沒有JR站的,
所以, 要到此地, 必需要搭巴士~
最多人的選擇是搭JR去到釧路, 轉阿寒湖巴士到~
阿寒湖巴士車費 : 約3000yen (好似係 2千幾yen, 我唔太記得了)
車程約2小時,
留意班次時間, 每日只有幾班車~
www.akanbus.co.jp

另外, 因為很多阿寒湖附近的溫泉酒店都有免費送迎服務的, 遊客都可以好好利用
(不過, 有時送迎車的時間, 未必會夾得到行程, 要小心計劃哦!! )
大部份酒店提供的送迎都是在釧路或湯川的
好似只有鶴雅才會有埋北見站及帶廣的免費送迎 (果然係一分錢, 一分貨!!)

而我選擇了由北見入, 釧路走, 原本回程是可以用鶴雅的車走的,
不過, 9:30am就要走, 似乎太早了,
我地打算在阿寒湖滑完雪先走, 所以只好放棄了呢架免費車~
改搭了最後一班阿寒湖巴士走~ (自費的)

阿寒湖 - 夏天是一個湖
到左冬天, 變了一片平地!!
冰封了的湖~~~ 冬天可以在冰湖面上進行很多活動~
例如: 釣魚(在湖面上鑽個洞釣魚), 雪上香蕉船, 雪上電單車等~
不過......
以上的, 我全部都沒有玩到, 因為我膽小

......怕刺激的活動....
對食魚興趣又不大..... ( 所指的魚是細細條, 樣子像多春魚的魚仔, 當地叫"公魚", 釣起之後可以即時炸黎食的~)

咁我去黎做咩呢??......
見識下麻~~ 都值得到此一遊的, 這是一個很有民族特色的地方

4:30pm 到左我地今晚住的溫泉旅館啦:
阿寒湖久之里鶴雅あかん遊久の里鶴雅
www.tsuruga.com
是整個旅程中, 最貴的酒店....
25600yen 兩位一晚, 包早晚餐 (另加 150yen 每位入浴稅)
雖然好貴, 不過真係有貴賓式的享受~

一入到大堂, 嘩! 嘩!
好大, 好有氣派~~~

大堂擺放了很多木雕, 每一件都是用一舊木做出黎的~
手工非常精細, 連熊的毛都是一條一條的!!!
阿寒湖的木雕非常出名,
行出溫泉街, 全部都是木雕店!!

帶房的姨姨, 我在電視上見過佢!! - 日語大放送~~
一邊帶我地上房, 一邊介紹酒店的設施, (路程都幾遠...........酒店超大~~)
佢日文講得非常快, 我老公表明了, 日文不好, 請說慢一點, 但佢都係繼續講得超快......=_=!
( 呢間酒店, 日語大放送介紹過幾集~~ 咁應該有品質的保證)

大家可能見我經常介紹日語大放送呢個節目, 可能有d人未睇過, 因為不是三色電視台的產物~
節目於國際台播放, 每集半小時, 主要介紹日本旅遊路線, 有很多遊日資料架, 也有很多冷門的地點介紹 (香港的旅遊書唔會有的資料)
節目是日文的, 但是香港製作, 兩位主持人一個是日本人, 一個是香港人, 非常生鬼有趣,
有興趣的話, 可以上網睇返節目重溫: http://www.jptime.tv

終於上到房了~~

間房很大~

設有放濕及空氣淨化機, 唔怕暖氣太乾了

(其實昨晚的層雲閣都有的~)
仲有咖啡機, 可惜, 我們兩都沒有飲咖啡的習慣, 浪費了~
最開心的是, 發現房間終於有針線包了!!!

點解我咁開心???
有睇我 day 1 篇的, 記得我第一日已經整欄左羽絨的拉鏈位嗎?
連續幾天件羽絨都唔可以拉埋黎擋風......好慘.....
後生女, 都係沒有帶針線包出門的習慣.... 呢個時候就知媽媽好了~~
今晚的酒店, 終於有了!!!!! 很感動!!!
我第一件事就係釘埋拉鏈最低爆開左的位置, 咁就可以拉到上去了,
不過, 著上身的時候, 就有點麻煩, 要從下穿上

(原本打算用扣針的, 不過扣針太細, 一拉就受不了.....爆返開....)

酒店的地方大得很, 真係會迷路的......
分兩座: 飛翔館(平d)、鶴雅館(貴d)
兩座可以互通, 但房間價錢兩邊不同,
我地當然是住平d果邊啦~
基本上, 享用的設施是一樣的, 好似係有d地方, 我地 "平民" 是去不到的,
不過, 酒店太大了, 都已經夠玩啦~

食物方面,當然係有分別啦~ 再貴d的, 咪再食豪d law~
不過, "平民" 的自助餐已經超good!!

掛住食, 我唔記得左影相, (趕住食完出去睇煙花 ^^ )
晚餐, 魚生的選擇唔算多, 不過佢有好多特別的東西, 我都唔多識形容tim~
總之早晚餐都是好食的!!!

溫泉方面, "平民"與 "貴族" 都係共同用三個浴場的~
鶴雅館 : 一個在天(頂樓), 一個在地(地下)~~~
男女浴場, 會定時互換的, 所以天與地都一定會浸到~
要兩個場都浸到的話, 就要晚浸一次, 早浸一次啦~

另外, 飛翔館也有男、女的浴場, 不過只有一日時間, 邊可能浸到咁多個浴場呢??
我見不是太有特色, 所以我地放棄左佢啦~ 邊有咁多時間呢?

地下的溫泉, 是傳統的日式溫泉 - "豐雅殿" (室內), "鹿泉之湯" (露天)
露天的在官方網頁見到是可以睇到阿寒湖的風景的~
今日女浴場安排於晚上, 露天的池, 如之前的體驗一樣, 周圍都是起曬霧的, 加上外面黑麻麻, 沒有風景可言......
地下的, 比天上的, 較多花款唔同的池,
我最喜歡的, 是有噴水式按摩設計的, 這個我浸了很久~~

頂樓的溫泉"天女之湯"(露天), "天之源"(室內) 可以從高處睇曬阿寒湖的風景,
今日的女浴場安排於早上, 太好啦!

因為老公晚上浸的時候, 外面黑麻麻....什麼都看不到.....
但, 早上到我浸的時候, 我發現了......網上相片中見到海天一色的玻璃牆, 實景原來是會起曬霧的

......(溫差太大掛..)
所以一邊浸溫泉, 一邊欣賞到湖面跟溫泉水面相連的效果, 是不可能的!!!!.......(可能夏天先會見到掛......)
露天的, 要睇風景, 就要企起身睇........那片半身的玻璃, 都是朦朧的.....加上地上堆了積雪....你一定不會願意行出個池踏上去~
試想下, 一個赤裸裸的人