2013 重遊北海道雪祭之旅 - Day 3 旭山動物園、層雲峽冰瀑祭@ 層雲閣溫泉旅館

17/2 Day 3

今日天氣很好, 有太陽


昨晚的風雪真大~早上出門的時候, 路面的樣子完全跟昨天的不同了!!! (成條路唔唔見左!!!)積雪很厚, 太早, 未有人摌雪.....一行出去的時候, 成隻腳掌插左入d 雪入面........

好難行....

落雪的時候, 個"喼" 有轆都無用, 沉左落去......好難拉........呢個時候, 如果有個雪兜就好了.........

好彩, 只係行幾步, 就可以落地下街行~

一早去到車站買早餐, 上車先慢慢食~

搭 07:48am 的JR 去旭川
車程 1小時20分 (食完早餐仲可以小睡一陣)
車費 : 4170 yen 一位

去到旭川站,
第一件事, 搵 locker~

之前有 blog 友 報料, 旭川 JR 站, 有超大 locker, 
600 yen , 可以放到一個大"喼" + 一個細"喼"
找到了~ 數量不算太多, 請留意~現在的 locker 非常先進, 是用 bar code 的,
所以要小心唔好唔見左張 bar code 紙!!!  (用手機影定一張安全d)

其實我都有留意過, 日本大部份的JR站, 都有 locker 的,
不過, 如果要 600 yen 的超大 locker 呢, 就只有大站才會有~
一般細的站, 最多都只有 500yen, 放到一個大 "喼" 的 locker
 
另外, 旭山動物園都設有 locker~

JR 站內設有 information centre,  可以入去參觀下~
呢個吉祥物公仔聽講是有齊旭川有代表性的元素.....
日語大放送介紹過~

放好行李, 就出發去動物園了~~~

旭川 JR站內有清楚的指示, 去動物園的巴士站位置~
巴士車費 (我唔記得左~~)
車程約 40分鐘

旭山動物園的營業時間 : 10:30am - 3:30pm (冬天)夏天自己上網睇返啦~
http://www5.city.asahikawa.hokkaido.jp/asahiyamazoo/

大家最關心的 企鵝散步 - 11:00am 
好似每日得一場或兩場, 自己上網睇睇, 因為會有更改的~

入場費 : 800yen 一位

我地11:00am 先去到, 不過唔緊要,
因為企鵝散步的路線都幾長, 而d 小企鵝又行得好慢, 又要行下停下......

入到去, 就有工作人員指示你企去邊等d企鵝行過黎架啦~
我地去到應該大約排到中段的遊行路線,

等待中........

 等左一段時間, d企鵝先行到過黎^^

一時間耳邊傳來的聽音 全都是相機的快門聲,
叫過不停的人 " kawai "  "oh kawai "  "嘩 kawai " !!

企鵝就在我正前面!!! 
伸手就可以摸到佢架啦~ (可惜唔可以咁做呢..... )
仲識企定係度擺 pose , 真係 kawai 呢

企鵝們多麼的神氣~
真係好似皇帝出巡, 正在接受萬民歡呼咁
當然啦~ 他們是皇帝企鵝麻

今日陽光充沛, 影出黎的企鵝特別美

我估計整個散步時間應該都起碼有半個小時多d~

前面位置睇完散步的人, 會陸續散去~
如果你仲未睇夠, 可以跑返去隊尾繼續睇的~


旭山動物園的管理, 真係要值得一讚
工作人員對人流管理非常好

動物園另一個星級主角 - 北極熊
北極熊館有很多人排隊........
參觀者是分一批一批入去的~
排隊的時候, 工作人員告知你大約要排幾耐~
入到去, 原來係好似戲院咁, 企位是一級一級上的,
一行企滿了, 就上第二行我企係第三排~
這樣, 就每位參觀者都可以睇到北極熊了

北極熊是有尾的 !!!

點解北極熊會咁乖, 在玻璃前面游來游去"表演"的呢?
當然是食物的吸引!!!
玻璃外面原來會有工作人員在上面放食物落黎架~
動物園裡面的動物, 很多都不是用籠或者玻璃困住的, 包括北極熊、企鵝、海豹、狼、長頸鹿等都只係跟參觀者有少少的距離分隔, (只有一條深坑的分隔)
距離很近~
特別是企鵝, 感覺真係零距離~ (所以要有工作人員在傍睇住)
我諗我唔會再去海洋公園睇企鵝了!

北極熊館的上一層, 是露天的, 沒有籠, 只有一條深坑的分隔~
傻瓜機都影到咁近~~

狼同狗個樣真係無咩分別wo??

唔知d 狼 日日見到咁多人頭係個地下度出現, 有什麼感覺呢?

(因為地下有個圓弧形的玻璃, 比你伸個頭上去近距離咁睇~)

佢就係狼的鄰居!!!??

丹頂鶴, 我地過兩日會見到仲多

長頸鹿不是非洲的動物嗎??
落雪會唔會冷親佢呢?

海豹 (我唔知有無錯, 我唔識分海豹、海獅、海狗) 

原來佢地在陸地上的行動方式係咁有趣的  (好難形容...一團肉打橫在地上彈彈下~~~)
佢地動彈的時候, 現場的笑聲不斷
仲好睇過佢地游水~~

在企鵝館 - 休息中的企鵝

動物園的面積不大, 兩三個小時可以行完~
由於我地 book 左層雲閣的免費送迎巴士,
所以2:30pm 要返去旭川的集合地點~ 

層雲閣的等車位置, 係咁多間溫泉酒店中, 最容易搵的,
因為佢有個地舖位, 可以入內休息, 等車~
今日班車有好多人, 大部份都是公公婆婆!!??

由旭川去層雲閣, 車程約需要 1小時30分

入住層雲峽的溫泉酒店, 可以睇多一個雪祭, 又可以省車費~
明天我們會搭酒店安排的車, 去北見JR站,
有 blogger 寫呢程車是免費的,
但係我地book 的時候, 酒店方面回覆, 是需要付款的 1500yen 一位
不過都ok 啦, 因為由旭川去北見, 正常的車費又點只 1500yen 呢, 所以都係抵的!!

層雲閣
www.sounkaku.co.jp15000 yen 二人一晚, 包早晚餐 (另加 150yen 一位入浴稅)
是三晚溫泉旅館中最平的~

經過昨晚地獄式的酒店後, 今晚又回彈上天堂了
(其實又未到地獄咁誇的, 只不過有比較下就差點點了~)

跟之前一樣, 我地都係去浸左溫泉先, 再去食飯, 食完飯先出去睇冰瀑祭~
呢間的感覺, 比第一晚的丸駒溫泉感覺清潔, 新淨~
而服務, 當然都好啦, 感覺上丸駒溫泉的服務好似親切一點~

晚餐, 是自助式晚餐, 有刺生、長腳蟹等等~



食飽飽就出發去睇:
層雲峽冰瀑祭
今晚有煙花睇呀~
所以要準時出去

會場位於酒店的旁邊, 行10分鐘左右就到~
不過晚上又開始落大雪了.....

好有趣的中文

全個會場最美的地方

其實我係第一次現場睇煙花, 原來影煙花真係有點難度.......
有時只聽到 "支支" 的發射聲, 但唔見煙花, 唔知是否比d雪整熄左呢 (當時落緊雪)

冰神社, 每個雪祭都有的, 裡面周圍都貼滿錢錢$$
(我好奇 "met"  左一個出黎......不過, 我有貼返上去架~)

凍到呢........

"怪滑" ??? 好有趣的中文~~

零下 12 度呀!!!!!
凍死人咩~~~~

支笏湖冰濤祭 vs 層雲峽冰瀑祭
- 其實兩個好似, 如果時間不足的話, 可以只去其中一個
- 層雲峽的場地好似比較大d,
  不過可能因為大, d野無咁集中, 所以在高處影全景時,  好似支笏湖較美~
- 層雲峽冰瀑祭要收入場費, 每位 200yen,
   會收到一張名信片, 及買甜酒的優惠卷~
   (由於未飲過甜酒, 所以買左一杯試,
    發現....超甜的!!!!!!! 太甜了......我個人不懂得欣賞........)
 - 支笏湖不用入場費
- 層雲峽的冰滑睇都是會付費的.....支笏湖不用
- 兩者都會放煙花, 但要留意日子, 不是每天都有~

睇完冰瀑祭, 返黎再浸多次溫泉先去瞓 (比左$ 浸多幾次抵d)

係我地出左去的時候, 已經有人入左黎幫我地鋪好床了~

第二朝的早餐, 都是自助式的~

我地之前book 左車去北見站,
一行出旅館, 發現接我地的車竟然是 7 座位的私家車!!!
1500yen 真係超值wo!!!

但係......
去到一個貌似巴士站的地方..
佢停低.... (我地諗 : 要接其他客人吧!)

司機叫我地落車!!!!叫我地係度等巴士 !!!??

原來酒店是幫我地訂左巴士票~
我地搭的, 應該是巴士, 不是酒店的送迎車~~
不過呢架巴士都坐得好舒架~
張椅背可以調低到差唔多瞓平的~
瞓得都幾舒服架~

車程大約都要兩個鐘 (唔係太記得~)瞓醒之後, 就開始我地第四日的旅程~~

阿寒湖

待續~~~