之前在一個豎琴group 裡面，認識了一個香港女仔，曾經到澳洲的一個workshop 自己親手整了一個26弦的豎琴，仲要整得好靚tim!
我見到當然心動啦！我最鍾意diy ！仲要整到我最愛的樂器！
由果一刻我決定, 呢個旅程，我真係非去不可了！
不過， workshop 的位置，真係好偏遠，超級遠~
是一個與世隔絕的地方 (好似有點誇XD)
澳洲對於香港黎講，已經很遠，搭飛機已經要10個鐘
workshop 的位處不在城市，而係位於 Brisbane 與 Sydney 之間的一個叫 Grafton city 再要駕車30分鐘左右 的鄉郊地方，電話都幾乎收不到的！(我指mobile phone)
淨係搭火車都要 5 個 或10 個鐘！！！
真係超級遠....
對於香港人黎講，去呢個trip 真係最少要有兩星期假先得！
Harp Making Workshop 每年只會舉辦兩次, 一次在復活節, 一次在9月尾 10月頭
確實時間要自己上網check 啦!
http://www.harpsatsang.com/harp_design/harpworkshops.html
http://www.harpsatsang.com/harp_design/harpworkshops.html
(留意網頁上價錢唔update....加左價, 但無改網頁資料)
豎琴 workshop 需要足足用一整個星期時間，而且是朝8 晚 6 的工作，
做一個豎琴的工序真係有數唔到咁多！而且是大量的木工工作！
我估不是一般急性子的香港人可以接受到XDD
要運用很多木工的機器 及工具，每天的工作都會令你滿身木碎，看似應該是男人的工作！
但我，是樂在其中的！！
仲可以學到木工製作的知識，對於我做馬賽克的工作都很有幫助呀！
鄉郊的生活，仲令我覺得很放鬆，呢個生活體驗，真係非常難得！！
如果考慮想自己親手整一個豎琴的朋友, 真係要認真考慮, 自己能否接受這種生活一個星期~
(因為我估, 特別是在都市生活慣的人未必可以接受!)
(因為我估, 特別是在都市生活慣的人未必可以接受!)
而我, 就很enjoy 呢幾日的生活~
我會再同大家詳細分享這幾天的經歷~~ (等我呀~~~)
今次是我第二次去澳洲，第一次是兩年前，
由於上一次已經去過了 Brisbane ，所以今次想順道去Sydney (其實是有點遠的)
原本打算是Brisbane 去 Sydney 返的，但因為機票價錢等等的原因，放棄了.....
最後決定來回都是Sydney 。
由Brisbane 去 workshop 只要5個鐘火車，而Sydney 去就要10個鐘， 10 小時的火車的確有一點難捱！
計劃去的朋友, 我建議還是 Brisbane 去 Brisbane 返吧!
機票：
因為見到廉航公司 Scoot 酷航做特價，而網上見到評價都ok，所以決定試下！
呢間是新加坡的航空公司，所以要經新加坡轉機。
去程的轉機時間有差不多成日時間，可以順道遊覽一下新加坡，我個人對呢個地方興趣不大，所以如果要專程去的話我諗我未必會踏足到！
所以一天遊正合我意！
不過，要留意，廉航即是咩都唔包，每樣野都要續樣收費，例如行李，機票只包一個hand carry 行李(尺寸重量，自己上網睇啦！)，寄倉行李要另外收費，重量仲要只有15kg, 真係要小心，好易會超重！而最重要的，當然是我個豎琴啦！問過啦！包在寄倉行李內，所以我地二人，去程用一個寄倉行李，回程就買兩個！
(一個26弦的豎琴, 連包裝, 大約重 9kg, 尺寸約 100 x 85 x 40 cm )
(一個26弦的豎琴, 連包裝, 大約重 9kg, 尺寸約 100 x 85 x 40 cm )
飛機餐？ 當然無啦！ 自己準備啦！當然，你都可以預訂啦，或者在機上買都可以。
機上唔會有電視睇，但可以比錢用你自己個ipad 睇佢地的電影頻道，傻的嗎？! 用我個pad 睇的話，我仲洗比錢你！！ 我自己準備定幾套戲比自己睇啦！想睇咩都得呀！
機上有水供應，位置在洗手間外面，可以自己去水機盛，請準備水樽！
仲有選位都需要加錢，之前睇過有人做過比較，幾間廉航公司中 Scoot 的位是最闊的，不過我出發前都擔心如果座位太窄，坐7,8個鐘會好辛苦，特別是我老公比較高，所以新加坡與Sydney 之間的來回都加左錢買黃色闊機位。(最後証實其實都唔算係闊好多....)
仲有加左錢的, 是轉機行李，一般廉航要轉機的話，係要自己拎返個行李，再check in 過的，Scoot 加$就可以幫你轉埋過去。因為回程的轉機時間只有約3小時，所以只好加錢...
酒店:
我一向用開 agoda 的, 但最近見到有d 比價的網頁出現, 所以試下~
試左用 www.trivago.hk
試左用 www.trivago.hk
都幾好用, 我無再比較其他網站啦~
最後 book 左一間 hostel 一間 inn,
由於要一早起身趕火車, 所以兩間都係超近車站的~
頭兩日sydney - Casa Central Accommodation (au $180 兩個人兩晚)
workshop 其間在主人家屋企出面個花園露營 (au $10一晚) (留意, 已經加左價, 自己上網睇價錢)
最後一日 sydney - Leisure Inn Sydney Central
最後一日 sydney - Leisure Inn Sydney Central
交通：
因為會係新加坡玩一日，所以都要搵下資料。
新加坡好似比香港仲細，所以交通一d都唔複雜，去到一睇就明！
主要交通工具都是地鐵，最方便！
Sydney 就有點麻煩了！
主要交通工具都是巴士，地鐵，不過收費就真係有點難預計，仲要我地去的時候，交通收費剛剛加左價，睇前人的blog 價錢不能作準了！
Sydeny 的交通費真係好貴, 而且物價仲上漲得好快tim.....
Sydeny 的交通費真係好貴, 而且物價仲上漲得好快tim.....
(人地加 $1 等於我地加左 $7 啦....!!!)
而我地麻煩在，因為逗留的時間短，頭兩日，中間隔了一星期，尾一日，這樣很難買pass.. ..
所以還是單次買票吧！
出發之前發現，Sydney 終於在9月開始有"八達通" 用了！真的不明白為何 Brisbane, Melbourne, 都已經一早用緊啦，為何這個大城市會咁落後！
當我再了解一下點樣買"八達通"的時候，就發現，需要在網上預訂的！仲要是郵寄給你的！
應該不歡迎旅客購買了！
不過放心啦！其實Sydney 市中心是很細的，如果你有腳骨力，可以用行的！
而且有一條 555号的免費巴士線，基本上所有主要市內景點都會經過，可以好好利用一下！ 但要記得留意時間，呢條線都收得幾早.....
搭巴士就有點麻煩，要留意，有部份巴士線是要先買票後上車的，要先在網頁上check 下，如果車上不能買票的話，網上有寫明的！
其他巴士線都可以於車上同司機買票。
車上沒有站名顯示，要請司機提示下你幾時落車了！
由機場出市區的方法，我於day 2 到達 Sydney 那篇再同大家介紹！有省錢的方法哦！！
而去豎琴workshop 的火車票，我早一個月已於網頁上訂左，因為呢段時間是 school day 即是開學日子，火車票會比較緊張，最好一早訂定！
火車的網頁 : http://www.nswtrainlink.info/
Sydney 交通查詢 : http://www.transportnsw.info/
Sydney 市內免費的導覽服務: http://www.imfree.com.au/
555號 Free bus : http://www.transportnsw.info/en/tickets/free-shuttles.page?
簽證：
用特區護照，
新加坡不用簽證
澳洲要先在網上申請
香港特區護照的持有人均可在網上申請ETA。詳情及能夠申請ETA的護照清單，請參閱：http://www.eta.immi.gov.au
申請非常簡, AU$20, 完成之後唔會有任何東西比你, 也不用print out 任何野 (感覺上很空虛...)
佢會比個no. 係比你自己check返個簽證用的, 唔係比其他人check的~
去到機場, d人用人你個 passport 就會自己check到你做左簽證架啦, 可以放心~
去到機場, d人用人你個 passport 就會自己check到你做左簽證架啦, 可以放心~
天氣:
9月尾 10月, 是澳洲的春天
溫度大約 12 - 25 度左右
日夜溫差會比較大
早晚好清涼, 下午熱到飛起, 但無太陽照到的地方又會有點寒....
最有趣的是時差
我地去的時候, Sydney 跟香港的時差是快兩小時 (留意澳洲不同位置, 時差會有不同)
但去到 4/10 晚, workshop 主人就同我地講, 明天是夏令時間,
你地d手錶, 記得明早起身要調快一小時!
感覺很神奇, 一早起身就唔見左一個鐘 ^_^!
新加坡跟香港沒有時差~
行程：
Day 1 25/9 (四) - 06：55am 香港 --> 10：55am 新加坡
先去聖淘沙，目標是玩 Segway 思維車 及 Luge 斜坡滑車。
晚上牛車水，步行到魚尾獅公園睇燈光show
10:00PM 返機場
10:00PM 返機場
Day 2 26/9 (五) - 1:45am 新加坡 --> 11:30am Sydney
下午 搭巴士去 Sydney Fish Market
步行 至 Darling Harbour
晚上 步行 至 China Town (買一星期的糧食)
步行 至 Darling Harbour
晚上 步行 至 China Town (買一星期的糧食)
Day 3 27/9 (六)
早上 Manly Beach (星期六有market)
下午 The rock (星期六日有market)(好多野睇一定要去)
晚上 Sydney Opera House
Day 4 28/9 (日)
7:11 am 搭火車 去 Grafton (workshop 的地方)
10個鐘火車!!!
29/9 (一) - 5/10 (日)
製作豎琴 Harp Workshop
5/10 (日)
8:58 pm 火車返 sydney
6/10 (一)
6:54 am 到 sydney
Featherdale Wildlife Park
Featherdale Wildlife Park
7/10 (二)
13:40pm Sydney --> 13:55pm Gold Coast
15:15pm Gold Coast --> 21:30pm Singapore
8/10 (三) 01:50am Singapore --> 5:45am Hong Kong
好勁呀, 期待你的故事
回覆刪除