２５／９ （四）
早機６：５５ａｍ
打算搭最早果班Ｎ車入機場，點知等左好耐，巴士都未到。。。
終於在遠處見到架巴士啦～ 但佢完全沒有停站的意思！！！！！
。。。。竟然因為滿左唔停站。。。真係去咁多次旅行都未試過。。。。
只好去搭的士啦～ 無時間等第二班車啦～
好彩同時都有好多人一齊等車，當然即刻搵人ｓｈａｒｅ 啦！
哈哈！竟然大家都係搭同一班機！
今次選擇左搭 Ｓｃｏｏｔ ，要經新加坡轉機
呢程機，我沒有加＄選位，果然，如其他ｂｌｏｇｇｅｒ所說，正常的藍色坐位都算幾闊ｗｏ～
我身高１６０沒有頂腳，你睇～仲有好多空間～
不過老公就差ｄ了，佢１７幾就有些少頂腳啦～ （不過平時搭果ｄ機都係差不多～）
就算係下一程機，加左＄買黃色位，感覺分別不大。。。。
如果怕坐位窄，建議都係比多少少，坐逃生通道位吧～
10:55am到達 新加坡,
Scoot 都幾準時, 仲每次都比預定時間早幾個字tim, 比個 like 佢!!
樟宜機場設有寄存行李的櫃位, 價錢我唔記得左, $10坡紙以內一件行李, 可存放24小時
可以上網查到 : www.changiairport.com
放低件行行李, 就可以輕輕鬆鬆出去行下啦~
因為未知出面有咩岩食, 所以先在機場食少少野自出去, 順道先參觀下機場先,樟宜機場出名又大又多設施~
另外, 樟宜機場有專為轉機旅客而設的 2小時 free tour, 當然有特定時間出團啦~ (自己上網check返啦 !) 只要你有5小時轉機時間就可以報名, 需於出團前一小時報名!
不過, 我最後都無參加到, 因為時間方面同我的行程有d 難配合.....還是靠自己吧~
用 lego 砌的馬賽克畫
原本打算黎玩的, 但見佢咁冷清, 又唔係好敢玩 lu.......
由二樓滑落去是免費任玩的, 三樓就要在機場消費滿 $10 就可以玩一次
不過, 現場人影都無隻..........
今日主要想去 - 聖淘沙
我一講聖淘沙, d朋友都會話, 哦環球影城!!!
不是啦~~~ (我一向對主題樂園的興趣不大)
目標是想玩3樣野的 -- Segway 思維車、Luge 斜坡滑車、I fly 室內跳降傘
聖淘沙真係一個燒 $ 的地方, 玩呢幾樣野都唔平, 食就更唔洗講啦~
不過, 便利店d野我都唔覺特別貴~
先介紹下 聖淘沙
由機場去 大約 30min 左右
乘 MRT (地鐵) -> Tanah Merah 過對面轉車 往 Joo Koon 方向 -> Outram Park 轉紫色線 ->Harbourfront 落車
於商場 Vivocity (一出閘就見到) 上3樓 搭 Sentosa Express ($4坡紙)
(睇落好複雜, 但去到一睇地鐵線路圖就明架啦~)
新加坡搭地鐵唔算貴的,
單程的地鐵票原來都可以"增值" 重用!!
呢張票有 1仙 deposit 係入面,
下次買車票時, 只需要放張票係增值的位置, (見到我張票放在mon上方的位置嗎?)
再入錢就可以,
搭到第三程車, 就會比返 1仙你, 再搭到第六程, 就可以平 1仙
講返聖淘沙先,
你可以選擇唔搭 Sentosa Express 過去, 可以行過去都得架! (當然都有巴士)
行過去都要比 $1 坡紙入島費, 聽聞步行只需15分鐘 (因為真係好近)
我選擇左搭 Express 的, 不過覺得笨左.....
因為入左島之後, 原來交通工具是免費任搭的, 包括 Express !! (我之前只睇到島內巴士是free的, 唔知出島的 express 都係 free....)
即係可以行入去, 搭車出返黎....... 可以省 $3 坡紙呀!!!!
聖淘沙島上除左有 環球影城, 仲有海洋館, 水上樂園 等的設施~
自己上官方網頁睇睇啦~
原來 聖淘沙 呢個島真係好細架!! 感覺好似入左去海洋公園咁, 車站與車站之間, 是可以步行的距離~
我想玩的三樣野都集中在同一個位置 Beach station, 行兩步就到~
第一樣, 玩左 Luge 斜坡滑車
玩後感 :
唔好玩.........(當然每個人感覺都唔同啦....有d blogger 話好好玩)
路程太短, 速度唔快.......... (我已經係一個怕高速運動的人.....)
2分鐘左右就 轆完落黎.......
我只玩左一次, $15 坡紙, 包一次滑車, 一次吊車
用票尾再買一次特價 $10
亦可以一次過買3次, $25
排隊中~
當日是星期四, 人不多, 排兩三個人就到了^^我覺得呢個好好玩 ^_^
如果可以買架返香港玩就好啦~
可惜香港的交通條例唔容許.........
佢有好多種價錢 (自己上網check下啦~)
我 join 的是 $35 坡紙 一位, 30min 帶你去一個沙灘行一轉的tour
呢個plan 好似叫 <Eco Adventure>
點解有成龍 gei!
好好玩!! 好爽!!
好易操控! 我試左一陣就ok ^^ (我是運動白痴~)
只係唔係太掌握到點停, 停得太急, 我怕會返轉.....
所以你唔好突然間走去我前面.......我一定車死你 XD
所以你唔好突然間走去我前面.......我一定車死你 XD
Silso 海灘地標~~
之後,
再行去 I fly 室內跳降傘 (我覺得應該叫室內飛行)
係電視旅遊節目就見過介紹好多次了~
翠如bb都有玩過架 !!
不過, 真係好貴, $99 坡紙 飛兩次, 每次只有45秒........
即 約兩分鐘內 就 燒左我 $600hkd !!!!!!
我有朋友在美國玩過, 其實飛之前佢會教你點玩, 上堂差唔多要一個鐘左右啦~
所以正確d 係 1個鐘內燒左 $600hkd~
因為太貴......最後都係唔捨得玩.........
只係在現場望下, 到此一遊就算了~
(當時都無人玩........只見到應該是教練的物體, 係入面飛緊~~~~)
提一提, 如果打算玩的朋友記得要著鞋, 唔可以著拖鞋, 你可以租鞋 gei , 不過要比多少少$ 姐~
之後行去魚尾獅塔 , 上塔要比$ 的, 我就沒有上去~
只係在下面行下~
後面有一個馬賽克公園, 呢度就岩晒我行 XDD
我比較喜歡呢個魚尾獅 wo~
行完呢度, 覺得聖淘沙好似無咩野睇啦~
時間尚早,
所以轉移去牛車水行下~
聽聞呢度的建築物好靚
搭地鐵 係 牛車水China Town 落就係~
地鐵車箱內見到好靚的關愛坐^^
牛車水的建築的確幾有特色~
感覺有少少似澳門!?
呢度有 free wifi 架~
不過好似有點難上......
好喜歡呢個閘的圖案
去食左一個地道的多士
一個餐有多士, 兩隻半生熟蛋, 一杯奶茶睇到地圖, 由牛車水, 應該可以步行去 魚尾獅公園,
決定同腳行過去~~~~
其實都有一點距離.....
途中見到很有趣的櫈
行到過去, 都未開始燈光show (8:00pm)
可以慢慢影下相, 休息下~
現場唔算多人, 坐得好舒服, 可能是平日的關係掛...!?
必影的拍照位~~
開始啦~~~
其實同幻彩fing香江都係差唔多
介紹下, 呢個 "川" 字形的建築物, 就是金沙酒店
最上面好似隻船咁的, 係空中花園游泳池,
睇電視介紹過 (我好鍾意睇旅遊節目XD)
個 view 好正架!!我都好想上去個泳池游下架, 不過......
sorry!! 只招待住客 ....
睇完幻彩fing singapore 之後,
原本想搵d野食完先返機場,
不過, 唔知係唔係水土不服.....兩口子個肚都在古古叫.....=.=!!
所以, 返機場休息下, 再食少少野先上機~ (我地班機無野食架!! 一定要準備d糧食)
其實機場裡面都有好多設施, 包你地轉機唔會悶的~
累的話, 也有休息區可以瞓下, 都幾舒服架, 仲有得差電 tim~
而我地最需要的係去沖個涼 !!
新加坡真係好熱.....出完去一日, 成身汗,
一陣仲要搭差不多10個鐘機, 真係有d難頂......
機場有浴室架! 當然要比$$啦~ (好似唔算好貴!)
好彩!
老公在出發之前突然諗起, 美國運通信用咭每年都有寄一張機場貴賓室的卷,
係可以免費入去沖涼架!
我地從來都未用過 (因為唔係個個機場都可以用......)
今次終於可以用下啦~
裡面有曬洗頭水、毛巾、牙刷等全部都供應齊全~
真係好~
沖完涼上機就可以舒舒服服咁瞓一覺 Lu~
明天澳洲 Sydney 見啦~
沒有留言:
張貼留言