Art Square: 2014 澳洲 My dream Harp 豎琴工作室之旅 3 -- Day 2 Sydney

26/9 (五)

11:30am 早晨 Sydney~~~~

準時到達~~~
入境手續也非常暢順 (好多人話澳洲入境check袋 check 得好嚴, 我兩次去都無事!)
當然, 我都怕麻煩, 所以唔敢帶食物入境啦~

到埗第一件事就係申請上網電話卡, 同埋拎 "旅遊指南"
最多人選用的上網卡 Optus
每日只需 $2au , 以前好似任上的，但而家好似有limit , 不過如果只係上下fb, whatsapp 一下都唔會過的~　仲可以share wifi, 即係兩個人只用一張卡都可以~
機場Ｔ２有兩個櫃位架，一頭一尾，如果好多人排隊的話，試下行去另一邊睇下～

旅遊指南＂Ｓｙｄｎｅｙ　Ｇｕｉｄｅ＂記得要拎英文版～
入面有優惠券架！！！中文版是沒有的！！！
最重要的是有　Featherdale Wildlife Park　的８５折優惠！！
（可惜。。。唔知點解。。。我２６／９拎的，優惠竟然３０／９到期！！！我完全沒有留意。。。。。點解會咁快到期架！！！？？？？？唔明.....）

由機場出市區，最快最方便的方法是搭地鐵Ｓｙｄｎｅｙ　Ａｉｒｐｏｒｔ　Ｌｉｎｋ，
需時約３０ｍｉｎ
方便的代價就係貴！這個是常識吧！
短短半小時車程，盛惠＄１６.７ａｕ
最有趣的是，呢程車，任何任搭ｐａｓｓ都唔包。。。都要補＄１２．５ａｕ機場稅。。。

聽聞，人數多的話，搭的士都抵的，呢方面，你自己搵下資料啦～

另有一ｄ機場到酒店的接送服務，可以上網ｂｏｏｋ或者機場都有Ｃｏｕｎｔｅｒ，可以去到睇下，約＄１５左右，睇下去邊啦～

而我的選擇呢，當然係最平的方法啦～
就是——巴士轉地鐵，只需＄2.3＋ $3.8 ＝＄６.１ａｕ　！！！！

其實網上面都好多朋友流傳架啦，唔算好特別～
簡單來說，就好似搭地鐵去到東涌轉巴士入機場比搭 "機場快線" 入機場，平ｄ～～

但網上比較多人流傳的是一個車程較長的方法：
機場搭　４００號巴士　—＞　Ｒｏｃｋｄａｌｅ落車轉地鐵　—＞ Sydney central station
呢個方法的好處係, 巴士一落車就係地鐵站，唔洗點行～　
但係就搭多左幾個站。。。。

後來，我見到有人教同樣的方法，但在另一個站落車轉地鐵，就唔洗搭咁多個站，
但係巴士落車之後要行一段路仔的～
我就選用左呢條路啦～　（我估時間應該快Ｄ，但我最後係唔記得左計時ＸＤ）

機場Ｔ２　搭４００號巴士（往Ｂｏｎｄｉ　Ｊｕｎｃｔｉｏｎ方向）上車前記得留意方向，因為來回程都係同一個站位上落車！
上車買去Ｍａｓｃｏｔ的票（按車程收費的，所以要比司機知你係邊度落車，咁就唔怕搭錯車啦～）＄２.３ａｕ
上車後，下一個站是Ｔ１，Ｔ１之後個站落車　（車上沒有顯示牌的。。。）
(T2 - 國際線的 terminal, T1 是國內線的)

落車的車站（回程返機場的車站，行過對面就是）

往車尾方向行，去到路口轉右行一陣就見到地鐵站

Ｍａｓｃｏｔ　Ｓｔａｔｉｏｎ

呢度的地鐵係雙層架！感覺很有趣！

Ｃｅｎｔｒａｌ　Ｓｔｒａｔｉｏｎ出面的草地

白色果Ｄ係野生的鸚鵡！！！

先去 hostel check in

由於要趕早班火車，所以我選的兩間旅館, 距離車站只需５分鐘路程～

Ｃａｓａ　Ｃｅｎｔｒａｌ　Ａｃｃｏｍｍｏｄａｔｉｏｎ

共＄１８０ａｕ　二人兩晚

Hostel 的職員很友善，特別係佢地原本要收＄１００ａｕ按金的，

但因為我話要早上６點幾 check out，佢地counter 無咁早開, 所以唔洗我比按金～

有ｆｒｅｅ　ｗｉｆｉ，

好似可以免費用洗衣機，但我無用過～

廚房設施齊全，很清潔!

不過行李多的朋友要留意，要行樓梯的！！！
最不滿的是浴室, 沖涼的時間, 水時冷時熱。。。。
第二晚，我嘗試用一樓的浴室（我住二樓），很好！沒有三溫暖的問題！
另外，呢度都晚上都幾嘈。。。不過習慣了車聲的香港人，可能問題不大～
其實，佢地都有加隔音窗，但唔覺佢地有空調！？咁關曬ｄ窗咪焗死！！？？

今日第一站，Ｓｙｄｎｅｙ　ｆｉｓｈ　ｍａｒｋｅｔ
係Ｃｅｎｔｒａｌ　ｓｔａｔｉｏｎ對出個巴士站搭　５０１號車，落車行一陣就到~
你亦可以選擇直接步行去, google map見到大約行３０ｍｉｎ