2012 向南半球出發, 澳洲之旅, 準備編~

真是很久很久沒有update 過這個blog了~ 
其實本人真是一個不太喜歡經常對住部電腦的人.....(懶就懶啦!!)
不過因為今次計畫澳洲之旅的時候, 最重要幫到我的資料都是從網上面找的, 
澳洲的旅遊書真係太少了, 而且有用的資料亦不多........(簡直是沒有幫助.....)
所以我覺得我都應該要貢獻返一d資料出黎~

很有用的網頁:
背包客棧 : http://www.backpackers.com.tw  (台灣人的討論區, 有很多有用的資訊)
澳洲旅遊官方網頁: http://www.australia.com/zht/  
Melbourne 的 官方網頁 : http://www.visitvictoria.com/ 
昆士蘭的 官方網頁 : http://www.queensland.com.hk/  ( 即 Cairns, Brisbane, Gold Coast)

今次行程共14天, 


Hong Kong > Melbourne > Cairns > Brisbane > Gold coast > Brisbane > Hong Kong
Plan 行程的時候, 記得留意星期六 日, 或者公眾假期~
有d舖頭星期六日會唔開~
有d tour 星期六日唔出團, 或者有d tour 星期日有特別團 ~
星期六日有時會有一d搭車優惠,
星期五一般的店舖都會收夜d, 一般店舖平時收 6 / 7點左右
公眾假期 交通有可能會有特別安排~
有d市集唔係日日都開, 請留意時間~

7/4(六) - 香港 18:55 機出發 (班機因為跑道出問題, delay  左 21:00先起飛)
8/4(日) - 早上到 melbourne,  先去Victoria market (呢度星期一同三休息), 下午去 St. Kilda beach, 有sunday market, 日落時可以見到小企鵝回家~
9/4 (一) - 早上去坐 puffing billy 小火車, 下午出發去 farm stay
10/4 (二) - at farm stay, 黃昏回 melbourne
11/4 (三) - Soveregin Hill 淘金小鎮
12/4 (四) - 早機 to Carins, 下午在市內走走, 出去 book tour
13/4 (五) -  Paronella Park , 全日跟 tour (去到當地先決定的, 因為天氣問題, 呢日出唔到海)
14/4 (六) - 出海去大堡礁
15/4 (日) - 早機 to Brisbane, 下午在市內走走
16/4 (一) -  Tangalooma 渡假村, 餵野生海豚 (之後會再介紹比大家點Book , 等我呀!)
17/4 (二) - 黃昏返回 Brisbane 
18/4 (三) - 去 Gold Coast, 早上 join 左騎馬 tour, 下午在 gold coast 走走, 星期三晚上有 night market, 即晚返回 Brisbane (無在gold coast 住一晚, 因為覺得呢度無咩野玩, 住宿比 brisbane 貴, 交通時間一程 約個半鐘, 所以選擇即日來回)
19/4 (四) -  Lone Pine Koala Sanctuary, 抱樹熊 ^^
20/4 (五) - 早機回家了, 要在 Sydney 轉機


機票:
直接在 澳航 訂的  http://www.qantas.com.au/travel/airlines/home/tw/zh_TW
因為剛好澳航有特價機票, 所以比較抵, 聽閒都經常做特價的, 可以留意下~
在澳航買機票的另一個好處:  來回機票 + 內陸機票一齊訂的話, 每程內陸機只需要 HK$410
今次我來回機票 + 兩程內陸機票 + 稅及燃油附加費(約$3000) = HK$80xx 一位
澳航 的飛機都ok, 服務ok, 我對這方面的要求唔高~  飛機餐就, 算吧啦~我都未見過飛機餐會好食gei.....
服務都幾好, 我地回程班機 唔知咩原因 delay 左好多,   澳航 送左每人一張 AU$30的餐券比我地係機場食野~
返到香港, 因為太夜無車搭, 又未有 N 車,  澳航 都安排左旅遊車比我地出市區, 都算唔錯吧!

簽証:
http://www.hongkong.china.embassy.gov.au/hkngchinese/VISMG_ToVisa.html 

香港特區護照的持有人均可在網上申請ETA。詳情及能夠申請ETA的護照清單，請參閱：http://www.eta.immi.gov.au

申請非常簡, AU$20, 完成之後唔會有任何東西比你, 也不用print out 任何野 (感覺上很空虛...)

佢會比個no. 係比你自己check返個簽證用的, 唔係比其他人check的~
去到機場, d人用人你個 passport 就會自己check到你做左簽證架啦, 可以放心~

酒店:
http://www.hostelbookers.com/
http://www.hotels.com/
http://www.agoda.com/
呢三個係我經常用的網頁, 我通常都會三個夾一夾價錢先, 因為三個有的酒店同價錢都未必會一樣~
不過用 hostelbookers 的要留意, 佢會另外加收 10% deposit , 如果要cancel 的話, 這個是不能退回的......(我試過了.....)

今次行程我只用過 agoda, 感覺不錯, 也試過cancel booking, 退款可以全數退回, 都算快~

不過book之前記得留意, 取消條款, 每間酒店都有d不同, 有些因為特價, 所以不能退款的, 要留意哦!
如果你行程未確定的話, 最好book 可以cancel 的酒店!

今次因為我有朋友在 Melbourne 臨時先通知我可以去她家中暫住, 所以cancel 左幾晚酒店, 已付的酒店$ 順利全數退回~

Farm stay 農莊生活體驗:
一直响往農莊生活的我, 今次決定一定要試一下~
可惜這方面的資料真是不多, 很難找.......不過, 都找到一點點~
http://www.bnbnq.com.au/
http://www.takeabreak.com.au
以上兩個網頁找到的, 不是太適合我, 因為地點都很遠, 沒有公共交通工具到, 沒有接送服務,
我們唔識駕車的, 無可能去到..........
雖然見到有d價錢都幾平, 但有d只招待一大group人的.......

http://www.cedarglen.com.au/
網上見過有一個blog友試過ok, 不過價錢都幾貴~
呢個農莊養馬為主的~

http://www.lillydale.com.au/
價錢有d貴, 未見到有人寫去過呢度, 望落感覺d似渡假村....有點商業味....

http://www.downunderfarmstays.com.au/index.html
我今次用左呢間公司, 感覺都不錯, 問佢地問題, 好快回覆 (因為好多活動公司幾日什至成個星期先覆你......我朋友話因為澳洲人好懶!)

AU $204 一位住一日, 住兩日會平dd... 包三餐, 有接送到最近農莊的火車站~
(其實都幾貴, 不過真係好想試下)
呢間公司, 上過 u travel 雜誌的, 我就係係呢度找到的~ 所以感覺上有d保證~
佢地會比8個最近 Melbourne 的農莊給你選擇, 資料上會數曬農莊有什麼動植物比你睇, 有什麼活動可以玩~
全部都是家庭式的, 每次唔會招待太多客人~
我選擇左最多動物種類的一家~ 感覺很好~ 很有屋企的感覺~
原來佢地每次只會招待一個 group 的人, 所以當晚的客人只有我們二人~
至於詳細的情況, 我之後先再寫啦! ( 等我呀~~)

Book Local Tour :
因為澳洲地方太大了, 很多地方, 唔識駕車的話係去唔到的, 只有join tour.....
不過今次我只用左兩間公司, 一間在 cairns, 一間在gold coast
其實book tour 都唔需要太早book, 我都係去之前果幾日先book, 主要原因是要睇天氣......
其實在市中心都會有很多呢d公司可以book, 不過太多真係唔知點選好....

Cairns : http://www.drtours.info/
呢間很多台灣人介紹的, 有贊有彈, 個人感覺都ok~
係呢度 join 左兩個tour : (價錢無寫低唔記得左, 不過之前比較過算ok的)
1) 大堡礁 , 包接送, 早餐、午餐、茶點
2) Paronella Park , 包午餐, 接送
(一個生滿青台的城堡, 傳說天空之城在這裡取靈感的)  聽聞好多日本人鍾意去呢度的, 如果想識日本妹的話, 可以去下 ^^ 我就識左一個啦~

大堡礁 應該係去 cairns 的必去景點, 活動公司都有很多間可以選擇,  唔同公司去的潛點都不同, 呢個或者我遲d再詳細d介紹吧!

Gold Coast : http://www.tctm.com.au
呢間公司感覺一般, 好煩, 成日打電話比你, 都話左電話費貴, 請佢用email 聯絡, 佢都係要打電話比你.....
我 join 左佢地的騎馬活動~ Au $91 一位, 半日, 包接送, 有茶點( 麵包, 茶)
感覺一般, 主要是覺得活動公司對d馬不是太好~ (沒有證據支持, 只係感覺, 覺得d馬唔開心)

(其實上面的 dr. tour 都有騎馬活動, 我見過有 blog 友參加過, d馬好似靚仔d (精神d), 包午餐看上去比較豐富d, 但因為見到 dr. tour 的騎馬公司的路線會涉水的, 要參加的, 最好著水鞋, 但我個人就唔想濕腳....... 加上我們在cairns果幾日都落雨, 跟本就唔報得.....)

以下的活動公司可以參考一下, 不過我沒有參加過......
http://melbournecandy.com/
呢間公司在 Melbourne 的, 我見好多網友都贊的, 好處是一團的人數不多, 所以領隊可以照顧到所有人, 質數應該ok~
應該是一間很細的公司, 價錢不算平~
我都有send email 問過佢野, 雖然我無幫襯, 但係佢都很樂意答我問題^^
我無參加的原因是, 因為我出發的日子, 佢地正在休息, 沒有團......


交通:
要留意, 澳洲的交通工具, 不是太準時, 所以要自己預早d時間.......要轉車的話, 最好都係搭早一班車
我就試過因為上一班車遲左, 所以轉唔切下一班車, 就要等成個鐘先有車......
Melbourne 的公共交通網頁, 有點到點搜尋服務, 幾好用的 : http://ptv.vic.gov.au/
Brisbane , Gold coast 都可以用的公共交通網頁, 有點到點搜尋服務, 有少少難用: http://translink.com.au/
在cairns 的日子比較少, 無搭過公共交通工具, 所以沒有資料~
關於由機場去酒店的交通, 以及搭車買票的慳$方法, 我稍後先再介紹~

天氣:
安排活動的時候, 最麻煩就係要睇天氣,
不過, 澳洲的天氣預測係唔多準的, 可以天氣變化很太快掛.....所以睇下好啦唔好盡信.....
呢個網頁有埋日出日落時間的~
http://www.timeanddate.com/weather/australia/melbourne

我去的時候, 4月份 , 澳洲正是秋天,
Melbourne 位於南部, 會比較冷一d, 日夜溫差都幾大, 如果好天有太陽的話, 廿幾度都幾熱, 早晚約十度 / 十幾度都幾凍.....帶件薄羽絨會好d~
Cairns 位置較北, 比較接近赤道, 所以比較溫暖, 平均溫度約廿幾度 , 游水的話, 是唔凍的, 不過上水就有d凍~ (我是一個怕冷的人, 我之前都好擔心, 不過放心吧! )
熱帶雨林天氣, 經常落雨, 我去三天都是下雨天.....
Brisbane , Gold Coast 位於東北部, 所以都係比較溫暖的, 平均溫度約廿幾度, 晚間會有點冷, 帶定多件外套會好d~

留意澳洲的太陽都很猛, 矖一陣都會黑曬, 記得塗防曬度高d的防曬用品!

買手信 tips:
其實澳洲的手信店每個城市賣的差不多, 基本上沒有分別...... 所以如果你會到 Melbourne 的 Victoria Market, 基本上呢度都有齊了, 而且$比較平~
當然有很多公仔都係made in china 吧......
食物方面, 我自己比較鍾意食朱古力, 澳洲出產的朱古力不錯架 ! 有d香港都有得賣的朱古力牌子, 香港買的唔係澳洲做, 無咁好食~
所以可以入下貨, 例如: timtam, kitkat 味道是不同的, 可以留意下, 去超級市場買就可以, 有時會有特價, 約au$2 一包timtam 都好抵買~
而機場賣的野唔算貴過出面好多, Sydney 機場例外, d野係我見過幾個機場最貴的, 我估  Sydney 的物價比較貴掛??