Art Square: 2013 重遊北海道雪祭之旅 - Day 6 我和丹頂鶴有個約會 + 美味勝手飯

20/2

今日天氣非常好^^, 見到太陽伯伯了~

Supper Hotel 的早餐, 又有意外驚喜了~
是自助式的 !
當然不要要求有貴價的食材啦~
好食, 又食得飽, 已經很好了,
二人一晚才5400yen, 有這樣的早餐, 已經超值了!

飲品仲有熱朱古力任飲tim

我的最愛~
(不是每間酒店的早餐都有架! 貴的酒店有時都未必有~)

食飽飽, 就開始今日的行程了

今日的重點, 是去睇丹頂鶴!!

我喜歡丹頂鶴, 除了因為佢地動作優雅,
也喜歡他們的習性,
丹頂鶴是一夫一妻制的,
所以他們也是愛情的象徵

二月剛好是丹頂鶴的求愛季節,
希望今日可以睇到求愛舞啦!!

網上睇過短片, 他們的求愛動作非常優雅, 好希望可以親眼目到~

今次book 左阿寒湖巴士辦的一天遊:

行程會去兩個睇丹頂鶴的地方: 釧路市丹頂鶴自然公園 , 阿寒国際ツルセンター【グルス】
仲有兩個展望台: 釧路市湿原展望台, 細岡展望台
費用: 3800 yen 一位

參加一天遊的禮物

(返到酒店先影的, 影埋老公隻腳板入鏡tim

)

其實, 今次去釧路的目的, 只是為了親眼見下丹頂鶴
而睇過資料後, 最想去的是阿寒国際ツルセンター【グルス】
呢個地方是個給餌場,
因為冬天比較難搵野食, 所以工作人員在冬天會定時放餌比丹頂鶴食,
溶雪之後, 就要自己搵食, 唔會再有人餵架啦~
所以冬天會吸引到好多野生的丹頂鶴在此停留,
除左丹頂鶴, 仲會有其他野生動物黎食野, 例如: 鹿、鷹、鴨等, 好彩的話, 會見到狐狸
公園入面仲有展覽館, 介紹丹頂鶴的生態~
有d似去左濕地公園咁~
入場費 : 460yen

如果唔想比入場費的話, 有個地方叫鶴見台,
是一個私人的給餌場, 可免費入內的,
不過呢度就沒有展覽館~
地址: 阿寒郡鶴居村下雪裡(沒有網址的)

原本只係打算自己去一日阿寒國際的, 不過來回車費都要3千幾 yen
後來見到阿寒湖巴士辦的一天遊, 只需3800yen, 去多幾個地方, 仲包埋入場費,
所以決定報團! (於網上預約報名)
不過, 留意原定路線是會去動物園及鶴見台的, 但因為星期三動物園唔開, 所以就改去阿寒國際 (正合我意

)
鶴見台行程都會取消~
而這個不是定期的路線, 阿寒湖巴士公司不同的時段, 會推出不同的觀光路線,
所以, 自己上網check 下啦~
http://www.akanbus.co.jp

釧路JR站旁邊, 有個阿寒湖巴士的辦工室,
就在此比$ 同集合~
我地今日同團的人不多,
十個人都唔夠, 坐一架大巴士出團~

領隊姐姐在車上會同大家介紹好多野.....
可是我唔識聽日文........

浪費了姐姐的一番心機~

第一站釧路市丹頂鶴自然公園

我地只有20分鐘的參觀時間!!!
好趕.......

一向最怕參加旅行團就是這個原因.....
雖然可以去到好多地方, 但係每個景點都好趕......
走馬看花......

我原本對這裡的興趣不大,
因為, 我似為是跟動物園一樣, 丹頂鶴是園內飼養的, 困在籠內的~

去過之後有一點改觀

入去才發現, 雖然有籠隔開,
但d籠是沒有頂的

即是丹頂鶴可以自由飛出去???
但係現場籠內的丹頂鶴係一對一個籠的?? 唔會三四隻一個籠?
如果是自由飛出飛入, 點可以做到這個效果的呢??
唔明..... (我估是他們一夫一妻的性格做成??)

個籠有這樣的設計, 方便我地影相用

所以就影到這樣的相了

有時丹頂鶴會行到好近籠邊, 咁就可以好近距離見到佢了!!

時間真係好趕.......只係睇左三四個籠, 就要走了.....
現場好大, 無可能20分鐘可以行完.....

上車, 去下個景點~

第二站阿寒国際ツルセンター【グルス】
呢個景點參觀時間 45分鐘....

都係好趕.....
(可能係我問題啦, 我喜歡慢慢睇野~)

45分鐘內又要睇展覽館, 又要出去出面睇野生丹頂鶴~
好趕......

現場有好多長鏡頭人影相,
我諗佢地應該會set 部機係度全日影相的~
相比起來, 我個相機真是太渺小了....

我帶左望遠鏡黎睇

其實無都ok, 因為都唔算太遠,
比起我上次去濕地公園睇黑臉琵鷺近得多了~

除左有好多野生丹頂鶴外, 仲見到鹿、鷹、鴨, 不過見唔到狐狸~
老公話見到求愛舞, 但我又唔係好覺......
只係幾下, 咁短時間算唔算呢??
我在網上睇到的, 跳好耐bor~

丹頂鶴真的好恩愛, 一定是一雙雙的,

飛是一雙的, 行是一雙的.......

又要趕下個景點了~

第三站釧路市湿原展望台
參觀時間50分鐘
連埋食午餐......

其實我對這個地方沒有興趣......
冬天, 周圍都是雪, 基本上全部都是白雪雪,
所以, 在展望台都係只會見到周圍白雪雪一片~
沒有什麼好睇...
呢度有一間餐廳, 午餐就在此, 自費的
不過, 選擇不多, 味道也一般....
建議自備午餐

第四站:
標茶駅前其實這個不是景點,
只係方便, 如果有團友想搭13:52発のSL冬の湿原号就可以在此下車~

在一路上, 沿途都應該會係一d 濕原的地方
所以, 經常在路上都會見到有野生動物出現,
每當領隊小姐見到有動物出現時, 都會話比大家知,

司機叔叔又會好好人, 開慢d架車, 等我地可以睇得清楚d
我覺得, 仲好過座濕原號火車, 因為唔包一定會睇到動物,
而見到有的話, 火車唔會再開慢d比你慢慢睇~

一路上的風景,
風景靚的地方, 司機都會開慢d, 比我地影相^^

我地好好彩呀~

路程上, 我地見到丹頂鶴呀!!
不過比較遠, 影左都睇唔到咩黎....
當地人話, 踫見丹頂鶴會帶來幸運的!! LUCKY!!

仲見到有擋路的鹿仔

佢企左係條路中間, 架車要停底, 等佢行開先可以開車~~~

第五站
最後一個景點:
細岡展望台
參觀時間25分鐘

由於旅遊巴無位調頭,
所以, 我地要步行上去~

仲好啦~
坐左成日車, 終於可以行下啦~
上到去, 到此一遊,
影幾張相就走人了....

回程可以選擇在一個叫什麼什麼 moo 的商場落車,
或者去返 JR站
因為我地打算去和商市場食野, 所以就返JR站

介午紹下和商市場
出名的漁市場~
營業時間 : 8:00 - 18:00

這裡最出名的是勝手飯!!
即是什麼呢~
即是我地的車仔麵~~~
呢碗車仔麵就比較貴啦~~
因為配料是魚生~~~

只需要買一碗飯,
有大、中、細碗選擇,
價錢唔太記得了, 細的大約100yen左右

然後, 到魚生店, 自己選料, 魚生是一片一片計的~
一片由100yen - 500yen 左右
(日本的魚生片一般都是厚厚的, 一片等於平時香港見的兩片左右)

我地兩碗飯, 共大約用左2000yen多d
唔算平~
不過, 比起香港同價錢的魚生飯好食好多好多~~ 非常新鮮

所以, 抵唔抵食, 真係見人見志啦~
我就覺得算是抵食的!

食飽飽,

行去個什麼什麼 moo 的商場睇下~

由和商市場去, 都要行好幾條街架~

商場出面就是釧路市的地標 - 幣舞橋

呢個商場........
無野行的.......
只有地下一層, 有手信店,
樓上有少少食店,
沒有別的了......
(唔行都沒有損失......)

這裡的手信店, 日語大放送都有介紹過~
行手信店, 最開心的就是有很多試食^^

今日見到有這個特價, 因為明天就到期, 所以半價出售~
你估下這是什麼??